My Vrydag Storie - 28 Augustus 2009

Goeie naand uit 'n heerlike koel Johannesburg. Ai, ek hoop nie julle het gedink ek het vergeet van my Maandag Storie nie, maar ek het net-nie kans gesien om Sondag aand nog 'n Storie ook te skryf nie.... Wel, ek hoop dit gaan sommer baie goed met julle? Soos altyd gaan dit mos goed met Coen! Wag, kry gou daai koffietjies, sit terug, dan vertel ek..... Nee, ek gaan vanaand nie begin voordat julle 'n lekker koppie koffie (en 'n koppie tee vir my Moeder!) gekry het nie..... ek wag..... toe, kry dit gou! O.K., laat ek begin... Vrydag middag soos altyd half 4 by die huis. Net rustig, en sommer 'n hoendertjie in die stoompot gegooi. Eers hom sag gekook, toe al die bene uit gehaal, en daarna lekker groentes en speserye ingegooi. Terwyl ek die kos dophou, bel Janneman om te sê hy en Frikkie kom bietjie later oor vir 'n koffietjie. Thomas is net na 7 hier. Rustig gekuier totdat Jan en Frikkie opdaag. Mens, my Sussie (ek het mos 3 sussies; my regte sussies in Pretoria en die Kaap, en dan Janneman!) bring die heerlikste muffens hier aan. Vanaand wil hulle nie saam eet nie, maar Frikkels het darem so 'n bietjie geskep. Thomas het sommer 2 borde agter die blad gehad! mmmmm.... dit moes lekker gewees het! Kuier heerlik saam met hulle tot so half 10. Net nadat hulle weg is, stel ek voor ons gaan maak 'n draai by Top Bar in Ellispark. Ook nie hierdie rubber-arm van Thomas baie gedraai om hom te oortuig om te gaan nie... Mensig, wat 'n aangename verrassing is die plek nie. Lekker musiek, goeie geselskap, mense wat sag is op die oog, veilige parkering, goedkoop drank, en natuurlik die shooters...! Craig en Hendrik is ook daar, en ons kuier 'n hond-uit-'n-bos! Wel, ek kan nie onthou wanneer laas het ek eers 4 uur in die kooi gekom nie - jare gelede! Maar wat 'n lekker aand! Ongelooflik! Ek kan nie eers onthou of my kop die kussing geraak het nie, toe's ek onder die appelboom... Saterdag so half 9 opgestaan. Moet sê, kon nog gedoen het met 'n paar uur se slaap... Ry Highway toe, want ek't vleis bestel, en moet dit gou gaan oplaai. Sommer daar elk 'n heerlike wors-rolletjie gekoop vir ontbyt! Toe terug huistoe om vir Gertruida te gaan haal, want ons wil haar weer Brakpan toe vat sodat Chris kan kyk wat is fout. Noudat die nuwe master cylinder in is, lek sy nog-steeds brake fluid. Thomas ry agter, want as daar dalk probleme is, het ons altyd 'n back-up kar. Daar gekom, en Chris kyk gou. Wel, nou is die probleem die slave cylinder! Mensig, dit hou net-nie op nie! Sal dit in die week koop, en dan kan ek die kar Vrydag by hom kom los. (ek vlieg mos volgende Saterdag Oos Londen toe om by Robert en Corlia te gaan kuier vir die week - het julle weer vergeet?) Toe na Gina toe. Ag, ek kry hierdie vriendin van my so jammer! Dis maar somber en stil daar, en oral staan blomme en ruikers. 'n Koppie tee gedrink, toe's ons vort. Die meisie van die matriek-afskeid rok kom pas so half 4, en ek moet by die huis kom. Skaars hier, of hulle stop. Mensig, hoe kon ek myself so misgis het met die mates... Die skirt is reg, maar die top is heel te groot! Gelukkig is dit net die lining, en nou moet ek die res natuurlik op die kleiner mates maak. Net nadat hulle weg is, steek Thomas vir ons die vuurtjie aan. Vanaand braai ons heerlike skaap-ribbetjies, wors en pot-brood. Ai, kuier rustig om die vuurtjie. En was die kos nie lekker nie! Thomas het nog so rukkie daarna gekuier, toe's hy terug Pretoria toe. Wel, ek is nie juis lus om by die huis te bly nie, want daar's 'n stip-show by Top Bar... Vir Pieter van Pretoria ook daar gesien, en wat 'n teleurstelling was die stip-show nie.... het ek nie al my les geleer met hierdie stip-shows nie! Pateties!!!! Wel, nie lank daarna is ek huistoe. Net na 11 onder die appelboom.... Sondag bietjie laat geslaap. Sommer gou die koerant gaan koop, en toe na Janneman toe om daar 'n koffietjie te gaan drink. Altyd mos lekker om by hom te kuier. Oppad huistoe begin die clutch gly.... wat nou? So erg dat ek teen 'n slakke-pas by die huis kom. En soos julle weet, is Gertruida mos stadig.... nou is sy net ekstra stadig!! Ek is moedeloos, maar eers wil ek die koerant lees. Rustig met die Rapport gesit, en daardie stuk waar Hanlie Retief met Erika du Plessis gesels, laat my weer besef hoe ek my werk en omstandighede waardeer! Erika, ek benoem jou as Vrou van die Jaar 2009! Jy is voorwaar 'n besonderse mens! Wel, moet seker een-of-ander tyd gaan kyk wat is fout met Gertruida... Gevroetel, gedraai, gekyk, gestart, ag, die clutch gly nou so dat sy in 1ste nie eens roer nie! Sy staan behoorlik en spin op een plek - en die wiele staan stil! So 5 uur gee ek moed op, want ek sien al vanaand gaan ek nie kerk toe nie... Ek glo my geloof is sterk; gaan stort, en maak reg vir kerk. Skielik kry ek net die gedagte (Dankie!) om die bloei skroefie bietjie los te draai... julle sal nie glo nie, maar daar spuit 'n straal brake fluid uit! En toe ek haar in rat sit, daar gaat sy! Wel, ek was op my plek in die kerk! Dominee Trevor het 'n pragtige boodskap gehad - soos altyd. Na die tyd eers 'n koffietjie gaan drink, en toe huistoe. Vroeg-vroeg in droomland... Maandag - ja, Maandag... Vroeg op, en 'n paar werkgewers gaan sien voordat ek terug huistoe is net voor 1. Thomas wag al vir my, want dis QP se begrafnis vanmiddag. My werks-klere verruil vir 'n meer somber outfit, en toe's ons weg. Daar gekom net voor half 2. Nie regtig rond gestaan voordat ons in die saal is nie. Baie mense, so dat ek of Thomas nie eens 'n begrafnis-brief gekry het nie! Wat 'n hartseer diens, maar sekerlik die meeste gehuil toe Nocky na die diens afskeid van haar Pa geneem het. Vanmiddag het ons afskeid geneem van 'n dierbare vriend, 'n Pa, 'n Oupa, en 'n man vir Gina! En soos Q altyd gesê het - koebaai Boetietjie! Na die diens eers saam met die vriende en familie koffie gedrink, en heerlike begrafnis-kos geëet. Oppad huistoe maar stil in die kar... My gedagtes loop ver paaie met my - ek kan nie indink wat ek sal doen as dit my Dad of Moeder moet wees nie... Terug by die huis nie regtig honger nie, en Thomas het net koffie gedrink, toe's hy weg. Vanaand weer aan die rok gewerk. Teen 9 uur is ek in die kooi. Bietjie tv gekyk (kan mos nie hoor nie....) en so 10 uur in droomland. Dinsdag oggend vroeg op, want vandag wil ek Randfontein toe. Gelukkig verstaan ek Gertruida nou, en dis ry, stop, bloei haar gou, ry, stop, bloei haar gou, ens. ens. Ja, Piet, ek weet, ek weet! Die regte tools, 6 biere, en 'n naweek... Kan julle glo, net toe ek in Randfontein se hoofstraat kom, raai wie staan hier langs die pad? Theuns! Stop en laai hom op. Hy't by iemand kom kuier, maar die ou se selfoon is af - nou loop hy bietjie rond. Siende dat hy niks het om te doen nie, ry hy saam. Gou Hillshaven toe, en toe Westonarea toe. 'n Paar werkgewers gesien, en sommer by KFC vir ons elk 'n burger gekoop. Toe Randfontein toe om daar ook 'n paar werkgewers te sien. Die dag het behoorlik gevlieg - veral noudat ek geselskap saam gehad het. Nadat ek Theunsie by sy huis afgelaai het, ry ek gou Dover Spares toe om die slave cylinder te koop. Teen R128.00 is dit 'n bargain! Toe weer Randburg toe om 'n werkgewer daar te sien. Oppad huistoe net besluit - vanaand is die aand wat ek Gertruida eens-en-vir-altyd gaan uitsort! My tools gekry wat ek dink sal werk, en myself heerlik met olie en brake fluid besmeer. Wel, dis goed en wel alles is reg in, maar niemand om te help met die bloei van die clutch nie! En teen 9 uur kan ek mos nie mense bel om te kom help nie! Myself deur die stort gesleep en geskrop, en met 'n swaar gemoed in die kooi geklim. Gertruida is so naby aan reg, maar ook so ver van reg! Sal maar sien wat more gaan gebeur... Woensdag oggend gelukkig 'n afspraak saam met Cornè by 'n werkgewer in Randburg gehad, en ons ry met sy kar. Die meeting verloop goed, en ons is net na half 1 terug by die kantoor. Siende dat Gertruida nie kan move nie, besluit ek om aan 'n arbitrasie bevinding te werk. My goed gedoen, want nou kry ek dit uit! Vir Thomas gebel om te vra of hy my vanaand sal kom help. Die middag vlieg behoorlik, en die bevinding is sommer tjop-tjop klaar. Na werk my over-all aan, en weer onder Gertruida in. Alles wat ek gister aand gedoen het weer af gehaal, skoon gemaak, en weer terug gesit. Thomas is net voor 6 hier, en hy bring sommer vir ons elk 'n groot burger en tjips van Mac D's af. Ook 'n groot lemoen-sap vir elk. Moet sê, twee koppe is mos beter as 1, en voor 8 ry ons om die blok! Mensig, ek is so bly hy't kom help! So trots op myself dat ons die slave self ingesit het, en daar's nie 'n druppel brake fluid wat lek nie! Vanaand kan ek met 'n geruste hart en gemoed gaan slaap. Ek sluit sommer 'n kiekie in van hoe het ek gelyk nadat ons Gertruida geservice het! Toe Thomas net voor 9 weg is, het ek myself met waspoeier en handy andy gaan skrop! Vanaand vroeg in die kooi, bietjie tv gekyk, en toe's ek onder die appelboom... Donderdag oggend weer uit op die pad. 'n Werkgewer in Morningside gaan sien, en toe Benmore toe. Die oggend vlieg. Net na 11 gou koffie by Janneman gaan drink, en vandag word ek bederf met heerlike koekies! Toe weer na 'n werkgewer in Florida toe. Ag nee, oppad voel ek die clutch gly weer. Gestop, haar bietjie gebloei, en toe met gebed verder gery. Seker die nuwe master en slave wat moet ingeloop word, want ek't daarna die clutch stadig in getrap, en stadig gelos. Vanmiddag val die eerste somers-reen, en dis wonderlik om te weet die somer is uiteindelik hier!! Toe ek net na 5 by die huis kom, loop sy soos 'n droom, en daar's nie 'n druppel brake fluid uit nie!!!!! Hoe sê hulle - there's a method to my madness! Wel, ek sal nou nie volgende week 'n Maandag of Vrydag Storie hê nie, want ek's mos in Oos Londen! Kyk maar uit vir daai Maandag Storie! My wens vir komende naweek en sommer die week ook:- God put me on your road of life, not because you need someone like me, but because He knew I'll never survive without special people like you!! Geniet die volgende week, en tot ons weer gesels; no worries mate, en take care. Coen xxxx

My Vrydag Storie - 21 Augustus 2009

Goeie more uit 'n koue Johannesburg. Mens sou gesweer het die winter is verby, maar nee! dis die laaste 2 dae ysig koud hier by ons! Ek hoop julle het 'n heerlike week gehad? Wel, onder omstandighede was myne goed.... Maar wag, kry gou daai koffietjies, sit terug, dan vertel ek... Maandag oggend 'n dissiplinêre verhoor 10 uur in Alberton gehad. Ai, Gertruida ken al die pad soontoe, en is net na half 12 klaar. Sommer daar vandaan reguit Dover Parts toe in Selby, want ek moet 'n nuwe clutch master cylinder vir Gertruida kry. Gelukkig is dit nie duur nie, en ek is heel in my noppies. Toe Florida toe, want ek moet 'n werkgewer daar gaan sien. Nog ander afsprake ook gehad, en net na 2 gou by Janneman ingehardloop vir 'n koppie koffie. Trumpet is ook daar, en dis maar 'n vinnige kuiertjie. Sommer vir Trumpet 'n lift gegee Parkwood toe, en toe Brakpan toe. Annie se man - Chris - gaan na werk vir Gertruida opkikker! Gelukkig is die verkeer nie te erg nie, en ek's voor haar huis net na 4. Sommer net my gedagtes laat gaan terwyl ek vir hulle wag. Buks (Annie se seun) kom daar aan, en ons kyk tv totdat Chris opdaag. Hy's net voor 6 daar. Gertruida se bonnet word af gehaal - om beter te kan werk, my kind - en gou-gou (na 'n helse gesukkel!) is die nuwe clutch in. Nou vir die bloei.... Wel, dis nogal 'n gesukkel. Pomp, pomp, pomp, hou hom in! Pomp, pomp, pomp, pomp, hou hom in! Pomp, pomp, hou hom in! Wow, as ek nie geweet het wat hy doen nie, sou ek baie nuuskierig gewees het.... En dis ysig koud buite! Mensig, ek het lank-laas so koud gekry! Eers gou 'n spin om die blok gevat om te voel om sy reg is, en toe word die enjin gestoom-was. Gertruida, vanaand kry jy baie TLC! Die bonnet terug, en net na 9 is ek daar weg. Hopenlik is die stop, bonnet oop, gooi brake-fluid in, ry tot by die volgende werkgewer, stop, bonnet oop, gooi brake-fluid in, ens, ens. nou op 'n einde! Oppad terug gou by Gina gestop vir 'n koppie tee. Ai, Q het glo die hele dag geslaap, en vanaand is hy ook in droomland. Sy gee vir my 'n heerlike bord herders-pastei, en ek eet asof ek nog nooit kos gehad het nie. Nie lank gekuier nie, en toe's ek huistoe. Skaars by die huis gekom, myself deur 'n stort gesleep, en toe's ek kooi toe. Gou-gou onder die appelboom... Dinsdag vroeg op om te kyk of daar nog brake-fluit in is. Wonderlik, nie 'n druppel is uit nie! Vandag eers Sandton toe om 'n werkgewer te sien, en oppad nog 'n paar ander. Ek't 11 uur 'n afspraak in Fordsburg. Dis 'n aangename werkgewer, en vandag kry ek 'n bottel Inah Shiraz wyn as geskenk. Nogal snaaks, maar hierdie Shiraz het 0% alkohol in! Net toe ek wil loop, kom sy skoonsuster daar in met 'n bordjie simoesa's. Mensig, dis heerlik, en die bord moet skoon voordat ek mag ry. Mr. Khan, baie dankie vir jou gasvryheid! Toe 'n draai by nog 'n paar werkgewers, en net na 4 is ek by die huis. Vanaand bietjie voor die rekenaar gesit. Vico bel, en wil weet wanneer kom ek kuier. Wel, gou-gou is ek om die net besig om vliegtuig kaartjies te soek vir Oos-Londen. Terwyl ek met Corlia praat, bespreek ek sommer. Ek is nou so opgewonde, ek kan skaars vanaand slaap! Bietjie voor die tv (sonder klank) gelê, en net na 10 onder die appelboom... Woensdag op kantoor, want vandag het ek 'n stuk om 15 vergaderings. Ja, 15 vergaderings!!!! Wat dink julle - ek werk nie? Maar teen hierdie tyd ken ons mos die storie - niemand daag op nie! Gelukkig hou dit my besig. So half 1 bel Cor om te bevestig sy het die kaartjie betaal, en dis 'n geskenk van hulle af! Ongelooflik! Nie aldag dat jou vriende vir jou 'n kaartjie Oos-Londen toe koop sodat jy daar kan gaan kuier nie!! Die middag het ook sommer gou gevlieg. Wel, teen 4 uur het ek nou genoeg gewerk, en ek gaan huistoe. Bietjie voor die rekenaar gesit toe die telefoon lui... Coen, Dad passed away about half an hour ago.... My hart gee 'n ruk, en ek word yskoud! QP! Ons het dit verwag; maar nie nou nie... Gou vir Moeder en Thomas laat weet, en toe's ek na hulle toe. Oppad sommer 'n bos blomme ook gekoop. Wat kan ek vir julle vertel oor hoe dit daar gaan.... Trane, hartseer, somber atmosfeer, stiltes, mense... Thomas was net na my ook daar, en ons sit sommer saam met Nock's, Richard, Michael en Michelle in die kombuis terwyl Gina met die Priester en Opsiener praat. Vanmiddag my jare-lange vriend verloor... So half 9 gery want ek moet huistoe. Bietjie in 'n dwaal gewees toe ek by die huis kom, maar na 'n warm stort moeg op die kooi geval. Slaap..... Donderdag weer op kantoor. Vandag is daar 5 konsuliasie vergaderings, en soos dit maar gaan, daag net 1 werkgewer en applikant op! My genoeg tyd gegee om ander admin klaar te maak. Die dag het behoorlik gevlieg. Na werk gou Hyper toe om koffie te gaan koop. NEE!!! Net toe ek by die ingang stop, gebeur dit wat ek gevrees het... die clutch gee in!! Ag nee fok! Ek is nou al so gatvol vir sukkel met 'n kar, dat ek kan skree!!!! SSSSSSSSSSSKKKKKKKKKKKKKRRRRRRRRRRRRRRREEEEEEEEEEEEEEEEE!!!!!!!!!! Sommer net op die sy-paadjie haar tot stilstand gekry, en toe's ek eers in om die koffie te kry. Terug, en dis weer bonnet oop, brake-fluid in, en ry maar stadig terug huistoe. My moed sit in my skoene vanaand. Net die goed in die huis gesit voordat ek kyk of ek nie die probleem kan oplos nie. Wel, na 'n lang gevroetel en gefiddle, hoop ek sy's reg. (maar iewers lek dit, want die brake-fluid sak na 'n paar pompe!) Sal maar oor die naweek Gertruida terug vat Chris toe dat hy kan kyk! Wel, my Storie is nou klaar, en ek moet bed toe staan. My wens vir die naweek: In the rhythm of life we sometimes find ourselfs out of tune, but as long as there are special people like you to provide the melody - the music plays on... Geniet 'n wonderlike naweek, en tot ons weer gesels; no worries mate, en take care. Coen xxx

Ons onthou...

QP (Mike) Theunissen *05 Augustus 1956 - +19 Augustus 2009 "They shall grow not old, as we that are left grow old; Age shall not weary them, nor the years condemn. At the going down of the sun and in the morning, We will remember them." ~Laurence Binyon~ (1869-1943)

My Maandag Storie - 17 Augustus 2009

Goeie more uit 'n heerlike koel Johannesburg. Ek hoop en glo julle het 'n heerlike naweek gehad! Ai, soos altyd het ek weer 'n SC naweek agter die blad.... (gelukkig is dit nie 'n whisky'kie nie, nè...!) Wag, kry gou daai koffietjies, sit terug, dan vertel ek... Vrydag aand bring oom Thomas toe vir ons lekker stir-fry steak en mince, en ek maak 'n konkoksie wat smelt in die mond! Mensig, gebruik ook van my continental stew mix, chutney, gemende groentes en pasta, en wat 'n wenner! So lekker gewees dat ons elk sommer 2 borde geëet het. Rustig voor die tv gelê, en net na 12 onder die appelboom... Saterdag bietjie lekker laat geslaap. Eers na 9 opgestaan, en toe's ons na die bootskou by die Coca-Cola Dome toe. Ons VIP kaartjies gekry, en ook my Youth Watersport-baadjie as prys gaan haal. 'n Keuse gehad tussen die Barbie en Spiderman een - kies toe die Spiderman! Wel, soos ek vir Moeder gesê het, die baadjie sal seker vir Barbie pas, want dis vir 'n klein kiddie - tot 20 killogram... Sorry Ruan, ek't gedog ek sal dit vir jou gee, maar dit gaan gans en al te klein wees. Sal maar hoor hier by die werk of iemand dit nie vir hulle seuntjie wil aanskaf teen 'n prys nie - winskoop van die jaar!! (dan hoef ek nie provita's hierdie week te eet nie....! my en Moeder se grappie) Bietjie rond geloop en ons self vergaap aan al die nice bote en jet ski's, en toe huistoe. Thomas is net na 3 weg, en ek val voor die masjien plat. Gou die lining van die bodice aanmekaar gesit. Terwyl ek werk, vang my neus die reuk van drade wat brand. Kyk oral in die kamer by al die krag-proppe, maar niks. Wel, toe ek die klank van die tv aansit, is daar niks! Sien alles, maar hoor niks! Wat volgende? Ek sal maar radio luister terwyl ek na die beelde op die tv staar... Net na 11 in droomland... Sondag behoorlik laat geslaap, en teen 10 uur opgestaan. Die koerant gaan koop, en die oggend rustig met 'n koppie koffie en die koerant gekuier. Wel, kyk gerus op bladsy 3 van die Leef - my naam is ook daar onder Wenners! Rustige middag; gewas, en niks gedoen nie. Vanaand is ek kerk toe, en dis nagmaal. Dominee Trevor het 'n pragtige preek gehad - gedog hy preek net vir my...Dankie Dominee dat ons ons maskers voor die Aller Heiligste Meester kan afhaal, en weer mens word. My wens vir die week:-

'Maskers

Elke dag van vroeg tot nag Van stad se straat tot myn se skag.

Gesigte-massa maal verby Is dit ek, is dit jy?

Elke dag van uur tot uur Van skool se bank tot kamp se vuur.

Ek leef vir my en jy vir jou Agter ons masjers toegevou.

Maar nou...

Elke dag van môre tot aand Van berg se top tot see se strand

Maskers af sonder vrees, betree ons só die Lewensfees.

Sien ons nou soos wat ons is Sien dat ons Sy kinders is.'

Geskryf deur Erica Human Geniet 'n wonderlike week, en tot ons weer gesels; no worries mate, en take care. Coen xxx

My Vrydag Storie - 14 Augustus 2009

Goeie more uit 'n heerlike koel Johannesburg. Ai, ek hoop julle het ook 'n lekker kortwiek gehad! Myne - hoekom sê ek nog - was natuurlik 'n absolute SC week! Wag, kry gou daai koffietjies, sit terug, dan vertel ek... Dinsdag oggend maar swaar opgestaan na die lekker laaaaang naweek, maar dis mos weer terug hok toe. Gelukkig is ek op kantoor vandag. Het 'n arbitrasie wat half 10 begin. Sommer van die begin af gesien hierdie gaan 'n lang dag wees toe ons nie 'n tolk kan kry nie. Wel, dit word nie eintlik toegelaat nie, maar die 1 persoon het aangebied om dit te doen. Maar nog steeds, dit vat baie langer as gewoonlik. My brein word gebombardeer met woorde, en ek moet net keer dat my aandag nie afdwaal nie. Kan julle glo, half 3 maak ons klaar! Mensig, ek is geestelik uitgeput!! Sommer dadelik my goedjies gevat en huistoe gegaan. Vanaand net rustig voor die masjien, en teen 8 uur hang die skirt. Gou myself deur die stort gesleep, en teen 10 uur is ek al onder die appelboom... Michelle bel net voor half 11, en ek klink behoorlik deur die piepie... sy wil net vir my sê sy het die bordjie opgespoor wat sy my belowe het. Nag 'Chellie, nag almal... Woensdag uit op die pad. 'n Paar werkgewers wat ek moet sien, maar eers 'n afspraak gehad met 'n werkgewer hier in Parkhurst. Gelukkig is die meeting oor 'n koppie koffie, en dit verloop sommer goed. Ook 'n draai gaan maak by Piet-skiet. Dis alweer tyd vir tax, en wie beters as die beste! Die res van die dag by almal uitgekom wat ek moes sien, en so 4 uur terug by die huis. Vanaand gaan ek saam met Jacques koffie drink - sommer by Primi Piatti by Lifestyle. Net na 7 hom daar gekry, en ons kuier lekker. Baie aangename man, maar die aand verloop stadig. Net na 9 my ry gekry, en terug by die huis skaars op die bed, of ek's in droomland... Donderdag 'n paar afsprake wat ek moet nakom. Mensig, seker die langste en meeste mense wat ek nog op 1 dag gesien het, is in Luipaardsvlei. En almal wil met my praat.... My sel lui, en dis 'n vrou van die National Boat Show wat die naweek by die Nortgate Dome gehou word. Ek het 2 VIP kaartjies en 'n Youth Watersport vest gewen!!!! Yipppeeee! Sommer dadelik vir Thomas gebel en vir hom gesê ek het iets beplan vir Saterdag! Ons gaan skou toe!!! Moes ook die nuus met Moeder en Sussie deel! Natuurlik was die res van die inspeksie kinder-speletjies, en net na 2 daar uit! Niel bel om te hoor of ek hom nie by Carl (die mechanic) sal gaan haal nie, want sy kar is in vir 'n diens. Sien ook vir Gwen, maar ai, my hart bloei om haar so te sien. Die enjin het iewers water uit gestoot, en nou's die blok by die ingenieurs... Weet nie wat dit gaan kos nie, maar ons het nognie prys gepraat nie. Daar weg en vat Niel om sy huur-kar te kry. Terwyl ons wag, sommer 'n koffietjie ook deur gewerk. Net na 4 by die huis. Vanaand gaan ons by Cornelius en Sarel in Krugersdorp eet. Ook 'n tog 3 dae te perd ver, maar net na 7 daar. Ek weet nie hoe om dit te vertel nie, maar dis seker nog die mooiste meubels, kaste, ornamente, spieels, you name it, wat ek in 1 huis gesien het! Dis ongelooflik, en oral waar ek kyk, is dit aaaaaa, en oooooo! My hart het sommer wild begin klop, want ek kan net droom van al hierdie mooi goed! Cornelius, Sarel, julle het 'n beautiful plek, en die inhoud is net so mooi!! Kan sien hier is sommer 4 hande van die girls in... Mensig, dis nie al nie! Toe ek buite in die entertainment area kom, is dit goed genoeg vir 'n koning! Kase, tjippies, broodjies, slaaie, en die heerlikste hoender-kerrie met rys. Ongelooflik geëet, en natuurlik het Janneman vir ons weer sy bekende malva-poeding gemaak. Mensig, moenie dink ek was dronk om al hierdie goed te sien nie, want ek kuier mos op Oros! Na so 'n aand vol weelde en skoonheid was dit maar 'n slag om terug in Gertruida te klim... Ongelukkig verdien ons nou nie almal Ponde nie, nè! Cornelius, Sarel, baie dankie vir 'n heerlike aand, en dit was voorwaar 'n voorreg om saam met julle te kuier. Julle is voorwaar bo-baas kokke! By die huis net op die kooi plat geval, en gou-gou onder die appelboom... Vrydag kon ek nie opkom nie! Mensig, ek is net so moeg! Wel, kwart voor 8 moes ek myself uit daai bed sleep, want ek moet seker werk toe gaan. Vanoggend gou 'n draai gaan maak by 'n werkgewer in Parkwood, en toe terug kantoor toe. Wayne is weer terug, en natuurlik vlieg die dag. Lindie vra of ek nie vir haar Moeder se beroemde lagie-slaai sal maak nie, en so half 3 gaan ek gou huistoe om dit vir haar te maak. Ai Janneman, ek sal plan moet maak om jou ook bietjie te bederf... Half 4 klaar gewerk, en ek het hierdie naweek nodig!! Yes, more is dit skou, en Sondag sal ek seker rustig by die huis wees. My wens vir die naweek:- I asked God what words can I pray for you? He said: 'Today, just call their name before Me - no words of your own; I know what they need!' And that I shall do today Lord, and the rest of my life. Geniet 'n wonderlike naweek, en tot ons weer gesels; no worries mate, en take care. Coen xxx

My Maandag Storie - 10 Augustus 2009

Goeie naand Suid Afrika! Goeie naand my vriende! Ai, ek hoop julle het net so 'n wonderlike naweek gehad soos myne! Alweer 'n SC naweek vir my, en dan's vandag nog 'n vakansie-dag ook! Aan al die vrouens (nie meisies nie....) ek hoop julle het 'n heerlike vroue-dag gister gehad. Wag, kry gou daai koffietjies, sit terug, dan vertel ek... Vrydag net na half 10 hier uit, en eers 'n koffietjie by my liefste vriend Janneman gaan drink. Nie lank vertoef nie, en oppad terug gou by 'n werkgewer by Millpark aan. Al my admin op kantoor gedoen, en half 4 is ons huistoe. Rustig gewees, en so half 8 maak ek sommer 'n lekker groente-gebak met vis. Thomas is so half 9 hier, en ons eet. Wel, die groente was heerlik, maar die vis....! Nota aan myself:- in die toekoms mag jy nie weer Yankee Klippers dressed baby hake koop nie!! Heerlik voor die tv gelê, en teen 11 uur val ons doodmoeg plat. Sommer gou onder die appelboom... Saterdag vroeg op, want Ivy kom vir 'n slag in. Half 9 kom, en 9 uur gaan. Half 10 kom sy uiteindelik hier aan. Ons ry Killarney toe, en eet elk 'n heerlike ontbyt by die Wimpy. Toe's ons gou na Gina toe. Terwyl ons in die kombuis kuier en tee drink, is Q besig om te bad en skoon te maak. Kuier bietjie daar by hom om die bed. Vandag lyk hierdie maatjie van my maar bleek. Ai, ek kan net dink in watse pyn hy moet wees. Na die 3de koppie tee sê Thomas ons moet nou ry, want dis al net na 1. Gelukkig het Ivy net klaar gemaak toe ons daar kom, en dis lekker om weer in 'n skoon plek te wees. Die middag rustig voor die tv gewees, en terwyl ek sommer vir ons spaghetti gemaak het, het Thomas gedoedoe. Half 7 hom wakker gemaak dat ons kan eet. Skaars klaar, of Frikkie bel om te sê hulle is oppad om koffie te kom drink. So onverwagse kuier is altyd lekker. Ai, Frikkels en Janneman is op gedress, but no where to go! (mmmmmm..... ek wonder?) Kort gekuier, toe's hulle weg. Gou die skottelgoed gewas, en toe's ek ook voor die tv. Net na 12 in droomland... Sondag bietjie laat geslaap. Gaan sommer die koerant by Rosebank koop, en loop bietjie by die vlooimark rond. Sien vir tannie Helena, en ook vir Lance. Sy skilderye is regtig mooi. Nie lank daar gewees nie, en oppad gou by Pick 'n Pay in Killarney aangegaan. Terug by die huis maak ek vir ons kaas, uie en tamatie broodjies om te braai terwyl Thomas die hoender gespice het, en die vuur aan die gang gekry het. Sit sommer buite by die vuur en lees die koerant terwyl die chef braai. Lekker vark-worsies, hoender, en die broodjies. Ai, dis mos altyd lekker om so van die vuur af te eet, en die hoender is heerlik! Het van my natural BBQ sous gebruik om oor die hoender te smeer..... Ongelooflik lekker! Net na 3 ry Thomas terug, en ek val bietjie op die bed neer. Ook maar goed Janneman het my gebel, want anders het ek verslaap, en kerk gemis. Vanaand is daar nie baie mense nie. Dominee Trevor het 'n ongelooflike mooi boodskap. Dominee, dankie vir die wete dat ons gesalf word om teleurstellings te oorkom. Na kerk bietjie saam met Gerhardt gekuier voordat ek huistoe is. Bietjie op die net gewees voordat ek bed se kant toe staan. Teen 12 uur onder die appelboom... Maandag net probeer laat slaap, maar teen half 9 is ek op. Gaan drink gou 'n koffietjie by Janneman, (het nie eens by die koffie uitgekom nie....) en weer terug. Vanmiddag werk ek bietjie aan die matriek-afskeid rok. Begin ook die lining vaswerk! Ry 5 uur na Fransman toe om daar te kuier. Terwyl ons tee drink, maak hy sommer vir ons elk 'n heerlike kaas toebroodjie. Hy en Ryan was die naweek in die Kaap, en hy kan nie uitgepraat raak nie. Sewe uur is ek weer oppad huistoe. Vanaand gou my Storie uitkry, en wil vroeg in die kooi wees. Ja, die paar dae wat oor is van die week sal maar wild gaan. My wens vir die week:- To understand the meaning of life, we must harmonize truth, love and beauty. None of them are higher or more important than the other. A life without beauty and love is without fulfillment. A life without truth is without substance. Geniet die week, en tot ons weer gesels; no worries mate, en take care. Coen xxx

My Vrydag Storie - 07 Augustus 2009

Goeie more uit 'n heerlike warm Johannesburg. Mensig, ek hoop julle week was net so wonderlik soos myne! My eerste SC week na hoè lank.... (ja Jaco, jy het my weer herinner aan al die Super-Coen weke wat ek al gehad het!) Nie net was dit 'n heerlike week nie, die weer was net so stunning! Kyk, die somer is hier! Wag, ek praat alweer te veel - kry gou daai koffietjies, sit terug, dan vertel ek... Maandag oggend vroeg op, want ek't 10 uur 'n dissiplinêre verhoor in Randfontein. Maar voordat ek met Gertruida kan ry, moet ek haar gestart kry! Wag vir Lindie, want sy't 'n groot bussie wat hopenlik die job sal kan doen. Gertruida se glow-plug liggie gaan skaars aan so pap is die battery. Self vandag help die jump-start van Lindie nie, en die enigste uitweg is om haar aan die brand te sleep. Nee, nie stoot nie; sleep! 'n Tou tussen Gertruida en die bussie, en daar gaat ons. Oor Oxford, en af verby die skool waar daar nie verkeer is nie. Selfs in tweede wil sy nie vat nie; totdat Lindie spoed vang.... Wel, glo my, toe Gertruida vat, is daar net een pad vir ons vanoggend... reguit Hursthill Motors toe om 'n nuwe battery te gaan koop. Gelukkig laat sy my nie in die steek terwyl ons ry nie. Daar gekom, parkeer ek haar so dat indien dit nie die battery is nie, kan ons haar maklik uit kry om te start. Wil haar nie eens afskakel toe ek die shop in is nie, so bang is ek sy start nie weer nie. Koop die battery, en een van die ouens help om die nuwe battery in te sit. Mensig, ek het 'n paar skiet-gebedjies opgestuur sodat sy net moet vat. En daar gebeur die onwerklike - met die eerste draai van die sleutel vat sy! Mensig, sy purrrrrr behoorlik soos 'n Landy wat 'n nuwe battery gekry het! Teen hierdie tyd is dit al kwart voor 10, en ek moet nog die stuk Randfontein toe. En soos julle weet, is Gertruida nie die vinnigste voertuig op die pad nie.... Daar gekom, (so 20 oor 10) is die werkgewer nognie daar nie, en gelukkig kan ek nog 'n sigaretjie rook terwyl ek vir hom wag. Vandag is dit lekker, want daar's 2 mense wat verhoor moet word! (hier kry ek weer my battery-geld terug). Maak so half 1 klaar, en toe's ek terug kantoor toe. Oppad sommer gou by 'n werkgewer in Benmore aan gegaan, en 2 heerlike stukke biltong vir die pad gekry. Terug by die kantoor skryf ek gou die verhore, en werk ook aan 'n arbitrasie wat moet uit. Die dag het behoorlik gevlieg. Vanaand sommer van Sondag se hoender vir my 'n heerlike chicken-mayo broodjie gemaak. Die res van die aand aan die patroon vir 'n matriek-afskeid rok gewerk. Net na 11 onder die appelboom... Dinsdag op, en eers my Sussie gebel wat vandag verjaar. Ai, sy is so bly oor die voucher wat ek, Dad en Moeder vir haar gegee het. 'n Lekker bederf persent! Wel, ek was van plan om uit te gaan vandag, maar tot my verbasing hoor ek ek moet lughawe toe.... En daar kom 'n applikant ook wat wag vir haar arbitrasie-bevinding...! Holly molly, what next? (wel, ek weet ek's skuldig wat die bevinding betref, want ek't vir haar belowe dit sou al die vorige Vrydag klaar wees...) Boetie, nou moet ek my g.t in rat kry, en begin werk! Half 10 kom Blackie in, en sê ek moet hom net gaan oplaai by die lughawe. Sê vir die vrou haar bevinding sal 1 uur reg wees, spring in die kar, en daar gaat ek lughawe toe. Mos gesê dit sal net gou wees... Ja, ja, 'n uur en 'n half later, en ek's nog by die lughawe! Kwart oor 11 ry ons daar, en teen hierdie tyd kan 'n mens 'n eier in my g.t kook so opstroppelus is ek! Kyk, ek dink nie daai tazzie het al so vinnig van die lughawe af kantoor toe gery nie. Sommer direk voor die rekenaar plat geval, en toe die vrou half 2 by die kantoor kom, wag haar arbitrasie-bevinding! Maar dis mos hoe ek op my lekkerste werk - onder druk! Noudat ek hard gewerk het, kan ek die res van die middag mos rus. Gaan drink 'n koffietjie by my liefste vriend Janneman. Kuier daar tot na half 5, en toe's ek terug huis toe. Vanaand is dit maar weer werk aan die patroon. Kan nie eens onthou wat ek geëet het nie, en teen 11 is ek weer onder die appelboom... Woensdag op, en vandag is ek lus vir werk. Kan julle glo, ek....? lus vir werk...? Dalk die rede hoekom dit so warm is vandag! 'n Paar werkgewers gesien, en net nadat ek my 10de werkgewer gesien het (wel, dis net na 1 uur...) kry ek 'n sms van Janneman om my te nooi vir 'n koppie koffie. Gertruida het behoorlik op 'n tiekie gedraai, en ons sit die stuk neer Cresta toe. Mensig, het Janneman toe uitgehang... sommer 'n hele lunch gemaak. Trumpet (weet nie hoekom het hy hierdie naam nie, en ek gaan ook nie probeer uitvind nie....) is ook daar. Lekker vark tjoppies en 'n heerlike keech. (weet nie hoe spel mens dit nie, maar dis soos amper soos 'n sout-tert) Ai, vandag word ek weer lekker bederf! Janneman, jy bly die wonderlikste vriend wat enige mens ooit voor kan vra! Dis vandag QP se verjaarsdag, en oppad huistoe koop ek sommer vir hom lekker fyn-gesnyde biltong. Gou huistoe, en half 6 ry ek deur. Ai, die trane loop oor sy wange toe ek vir hom 'happy birthday' sing. Vanaand lyk hy goed; hare gesny, en daar's 'n glimlag op die gesig. Wel, so baie mense dat ek nie almal se name kan onthou nie. Ons kuier behoorlik in sarsies by Q, want almal kan nie gelyk in die kamer wees nie. Thomas het ook al die pad van P-town af gekom om daar te wees. (na die tyd gehoor hy't spesiaal 'n uitnodiging van Richard af gekry! Wel, toe ek vra hoekom is ek nie uitgenooi nie, word gesê familie word mos nie genooi nie - hulle daag net op!) Die tafel het gekreun onder die lekker koeke, sout-terte, peperment-tert, vleispasteitjies, kaas en gurkens; alles heerlik! So half 9 groet ons, en toe's ek huistoe. QP my vriend, ek weet die tyd is min, maar moet nooit vergeet hoe lief ek vir jou en jou gesin is nie. Julle is nie my vriende nie, julle is my familie! By die huis myself net deur 'n stort gesleep, en toe's ek in die kooi. Bietjie tv gekyk, en so half 12 in droomland... Donderdag vroeg op. (julle moet onthou, my vroeg is so kwart oor 7!) Vandag het ek 'n paar afsprake in Roodepoort. Ai, lekker gewerk, en Gertruida draf die stukkie sommer tjop........ tjop..... tjop...... af. Nee, nie tjop tjop tjop nie! Die dag vlieg behoorlik, en ek kry baie om te doen. Word net buite Kagiso deur die polisie gestop. Eers na die liksens gekyk, toe myne bekyk, en toe oor Kimberley gepraat. Mensig, stel hierdie polisieman nou vreeslik belang in wat ek doen, hoekom is ek hier en nie in Kimberley nie (Gertruida het 'n NC - Noordkaap - registrasie) ens. ens. Ek het vandag 'n ander sy van hulle gesien - iemand wat belang stel in sy medemens! (ek dink hy't gedink ek gaan vir hom dalk 'n bees of lam organise!) Nadat ek my laaste werkgewer gesien het, is ek huistoe. Sommer vir my 2 pie's in die oond gedruk, en aan die lining van die rok begin sny. Wel, dis mos lekker lang naweek! My wens vir die naweek:- Daar is altyd tye van wonder in die lewe. Wonder wie gee om; wonder maak ek nog saak in die lewe; wonder of iemand weet hoe ek voel? Wel, vandag wil ek vir jou sê, JA! Jy maak saak; JA, iemand gee om! Mense vergeet soms om dit te sê, maar ek het nie! Jy's altyd spesiaal vir my! Geniet 'n wonderlike naweek, en tot ons weer gesels; no worries mate, en take care. Coen xxx

My Maandag Storie - 03 Augustus 2009

Goeie more uit 'n koue Johannesburg. Ongelooflik hoe die weer oor die naweek verander het! Vrydag nog 'n heerlike warm dag, en Saterdag oggend met die geluid van reën op die dak opgestaan. Ek hoop julle het 'n heerlike naweek gehad, al was dit die hele tyd onder 'n warm kompers, of voor 'n heerlike warm vuurherd. My naweek - altyd goed, dankie. Wag, kry gou daai koffietjies, sit terug, dan vertel ek... Vrydag oggend gou 'n draai by die poskantoor en die bank gaan maak voordat ek al my admin op kantoor gedoen het. Natuurlik was Wayne weer op sy stukke, en ons het lekker vir sy grappe gelag. Die dag het behoorlik gevlieg en teen half 4 is ek al by die huis. Thomas het gesê hy sal laat wees vanaand, so, ek maak nie kos nie. Sommer 'n broodjie met stroop en kaas op gemaak, en voor die rekenaar gesit. Net na 8 is hy hier. Vanaand net rustig voor die tv, en teen 11 uur onder die appelboom... Saterdag wakker geword met die geluid van reën op die dak. Buite is dit bewolk, koud en nat. Mensig, so vroeg al reën, maar dis wonderlik! Wil eers 'n draai by Gina gaan maak, want QP het Donderdag huistoe gegaan. Oppad sommer by Oriëntal gestop en gou 'n knoop vir 'n jean gekry, en natuurlik elk 'n samoosa of 3! Wow, die beste ontbyt wat ek in 'n lang tyd gehad het, en moenie van die bekende salsa-sous vergeet nie! By Gina'le slaap Q nog, en ons kuier in die kombuis oor 'n lekker koppie tee. Ek, Thomas, Gina en Michelle. Ag, Michelle gee vir my die mooiste chinese waaiers, en ook 'n muur-hangsel met chinese munte aan. Later daag Richard ook op, en terwyl hy en Thomas besig is met sy sel, kuier ons oor nog 'n koppie. Met eens sê Thomas:- 'Gina, het jy al hierdie goed op Richard se foon gesien?' En daar wys hy vir ons... nou wonder almal of Richard nie iets vir ons wil sê nie....? Seker teen 11 uur word Q wakker, en ons gaan sit by hom in die kamer en kuier. Ai, hierdie maatjie van my lyk regtig nie goed nie. Lekker gekuier en gelag, en toe's ons vort. Q, Gina, ek dink aan julle; baie sterkte en blessings vir julle. Oppad Pretoria toe reën dit saggies. Sommer by Kentucky gestop en vir ons elk 'n Streetwise 2 met 'n ekstra stuk gekry vir lunch. Heerlik by die huis geëet voordat 'operasie start Gertruida' begin. Eers die clutch gebloei, en terwyl ons werk, val daar 'n hael-bui dat die wêreld wit lê! En dis ysig koud! 'n Paar keer haar gejump, en toe vat sy. Jippee! sy het weer lewe! Sou sweer sy het uit die dode opgestaan so vol stof is sy... Eers om die blok gery om te sien alles is reg voordat ek na Sussie toe is. Sy en Nadia is by die stoei by die universiteit. Ai, en sy lyk so goed met haar lang hare. Nadia is net so bly om vir Coen te sien! Gee ook vir Sussie haar persent van Dad, Moeder en myself af. (ek hoop sy hou daarvan?) Kuier tog te lekker met 'n heerlike koppie cappuccino en 3 pannekoeke. Skielik kom Nadia daar aan met rooi gehuilde oë. Sy het haarself in die kantoor toe gemaak, en kon nie die deur oop kry nie. Gelukkig het 'n ander vrou haar gehoor roep, en oop gemaak. Ag shame, sy sê sy het vir ons aan die muur geklop om oop te kom maak, maar ons het haar nie gehoor nie! Wel, nou moet ek weer in die pad val Johannesburg toe. Buite is dit koud en bewolk, en daar wil Gertruida nie start nie. Net toe ek vir Sussie bel om te kom help, sak daar weer 'n hael-bui uit. Gelukkig is Obed naby, en hy en Sussie bring sommer sy kar uit om Gertruida te jump-start. Mensig, die lang staan het haar battery behoorlik pap gemaak. En toe's ek oppad. Die hele pad val die reën in vlae, en die pad is nat! Gelukkig kan Gertruida nie vinnig ry nie, en ek bly maar aan die linker kant. Net voor 6 is ek by die huis. Vanaand sommer my stukkie Kentucky geëet wat oorgebly het, en die res van die aand voor die tv gelê. Teen 12 uur is ek in droomland. Sondag oggend bietjie laat geslaap, en kon nie regtig opkom nie. Nadat ek gestort het, is ek uit om Gertruida aan die loop te kry. Wel, net voordat ek uit is, het ek eers vir my 'n hoendertjie in die oond gedruk, want ek moet seker ook eet. Ai, selfs die werk se Tazz gebruik om haar te jump-start, maar niks. Daai battery is so dood soos 'n mossie! Teen half 2 gee ek moed op. Gelukkig wag die hoendertjie, lekker gebakte aartappels, en 'n noedel-slaai wat ek gemaak het. Lekker geëet! Die middag wou ek aan 'n arbitrasie-verslag werk, maar ek't dit in die Honda vergeet. Wel, daar is niks wat ek nou kan doen nie! Sommer voor die tv gelê en net sleg word. O ja, het ook klere gewas. Vanaand kan ek nou nie kerk toe gaan nie, maar ek weet Dominee Trevor sal my in sy gedagtes onthou. Wel, Maandag, 03 Augustus is dit my liefste Sussie se verjaarsdag. Lol, baie geluk, en mag dit 'n wonderlike dag en jaar vir jou wees. When we spend time together I want you to know, I enjoy your company so much I don't want to go. You're someone I can count on when I need a helping hand, you know me so well, you always understand. We have our ups and downs, this we both know; through it all our bond still manages to grow. We may be different in many ways, but we still enjoy each other when together we spend our days. What I'm trying to tell you, you may already know. You're an important part in my life and I hope this I show. Happy Birthday! Geniet 'n wonderlike week, en tot ons weer gesels; no worries mate, en take care. Coen xxx Sussie en Nadia

My Vrydag Storie - 01 Augustus 2009

Goeie more uit 'n heerlike koel Johannesburg. Ek hoop en glo julle het 'n wonderlike week gehad. Wat kan ek nou oor myne sê...? Wag, kry gou daai koffietjies, sit terug, dan vertel ek... Maandag oggend op, maar wil nie eens my neus by die deur uitsit nie; so koud is dit buite! Gelukkig is ek op kantoor, en dis bietjie warmer binne as buite. Het vandag 7 konsuliasies! Ja, sewe! En kan julle glo, van die 7 daag net 2 werknemers en 1 werkgewer op. Wat 'n tyd-mors! Gelukkig hou dit my die hele dag besig, en net na half 4 maak ek klaar. Gaan maak gou 'n draai by die hospitaal; kuier bietjie by QP en Gina. Ai, hierdie maatjie van my lyk nie goed nie. Sou vandag geopereer word, maar die dokters het daarteen besluit - sy hart is nie sterk genoeg nie... Na die tyd saam met Ginks eers 'n sigaret gerook voordat ek huistoe is. Kry koud, stort vroeg om warm te word. Na die tyd gaan lê ek net vir 'n rukkie op die bed, en toe ek my oë uitvee, is dit 9 uur. Swaar opgestaan, want ek's honger. Ook nie lus vir kosmaak nie, en 'n cup of soup doen die ding. Net geëet, toe's ek weer in die bed. Gou-gou onder die appelboom... Dinsdag weer op kantoor. Gelukkig het ek vandag net 4 konsuliasies. Admin tussen die vergaderings deur gedoen, en my laaste vergadering maak half 3 klaar. Gaan drink gou 'n koffietjie by my liefste vriend Janneman. Oppad daantoe sommer vir ons elk 'n stuk chokolade-fudge koek gekoop. Kan julle glo, die man is nou op 'n dieet, en wil nie eens raak aan die koek nie! Ek is behoorlik daar weg met my stert tussen die bene, en 2 stukke koek!! Eers Pick & Pay toe, want ek moet vir Gina melk en .... hospitaal toe vat. Was nie lank vandag by QP nie; hy is moeg en bleek. Vanaand is ek weer nie lus vir kosmaak nie, en 'n toasted tomato en cheese doen die ding. Val voor die tv plat, en teen 11 uur is ek weg.... Woensdag vroeg op, want dis my Daddy se verjaarsdag vandag! Hy's vandag 69! 'Vaders is dierbare mense, maar hul word so min verstaan. Om aan hul hulde te betoon, dink ons maar selde aan. Want Pa is mos maar die een wat in alles moet voorsien, wyl Moeder die verpleegwerk doen en in siekte ons bedien. En Pa worstel daagliks om so te leef dat hy, as beskermheer en voorsiener, die nodige agting kry. En dis miskien die rede waarom ons ons soms verbeel dat Pappa dikwels hard is en nooit emosioneel, maar as ons in sy vaderhart die waarheid sou kon lees, sou ons sien dat hy ook saggeaard en sentimenteel kan wees. En daagliks bly hy besig om ons te onderhou en laat die teerder dinge oor aan sy metgesel, sy vrou. Maar in 'n duisend opsigte is my Pa dierbaar teer. Hy verdien meer komplimente en seer sekerlik meer eer, en Pa is so pligsgetrou - dis sy grootste ideaal - om vir sy huis geluk te bring, om sukses te kan behaal. Hy's ons gids en ons beskermer, hy's ons vriend net waar ons gaan, en soos ons Hemelse Vader sal hy altyd by ons staan.' Dad, baie geluk, en mag ons Hemelse Vader jou nog baie jare vir ons spaar. Jy is die BESTE!! Ek't vanmore 10 uur 'n dissiplinêre verhoor in Randfontein. Op my tyd gery, en 10 uur die werkgewer daar gekry. Gelukkig het dit nie te lank gevat nie, en ek's daar weg. Sommer 'n werkgewer daar in die omgewing gesien, en oppad nog een. Lekker, hier kry ek 'n bietjie gekerfde biltong en droeë wors. Nou's dit gou 'n draai gaan maak in Westonarea, en dan weer terug Randfontein toe. (hou sou die woordjie 'gou' nie by my spook nie....) Die werkgewer daar gesien, en skaars buite Westonarea, (ek glo nie eens dis 10 killo's nie) gaan staan Gwendolien. Sy wil net-nie vat nie. Mensig, en daar staan ek. Gelukkig is dit op die hoofweg tussen Westonarea en Randfontein, maar dis net voor 12, en die enigste persoon wat my kan kom help, is op kantoor besig met 'n konsuliasie. Dis karre wat verby kom, en lorries, en karre, en bakkies, en karre.... en karre.... Gelukkig is daar 'n padstalletjie daar naby, en ek't sommer daantoe geloop en 'n koeldrank gaan koop. Terug by Gwen haar weer probeer start.... niks! Bietjie in die enjin rond gevroetel.... niks! Om die tyd om te kry vir my Moeder gebel, vir Sussie gebel, vir Janneman gebel, vir Gina gebel, vir Frans gebel.... Haai, ek't nie geweet daar is sulke mooi vlaktes duskant Randfontein nie? Die skoolbusse met kinders gaan verby, later is dit busse met werks-mense. Selfs gedink as ek nou 'n fiets hier gehad het, was ek lankal in Johannesburg... en net voordat ek my regmaak om in die kar te slaap, kom Mac daar aan. Kwart voor 4! Gou-gou is ons oppad. Ry maar stadig, en ek probeer die tou tussen ons die hele tyd styf hou. Mensig, dis nie lekker om in die agterste kar te wees en gesleep te word nie, maar wat kan ek maak? Gelukkig was ons teen die verkeer, maar die tou het wel 1 keer gebreek. Ons vat vir Gwendolien direk Honda Northcliff toe - ja, die ou perseel! Wel, dis nie die einde van die wêreld nie, en hulle het geskuif tot net langs die hoofweg. Gelukkig is dit nie ver daar vandaan nie. Die sekuriteits wag het ons in gelaat, en vanaand staan Gwen net daar. Dis half 7! Alles uit die kar gehaal, en Mac vat my huistoe. Wow, wat 'n dag! Alhoewel my liefste vriend Janneman aanbied dat ek sy kar moet gebruik, het ek nie die aanbod aanvaar nie. Janneman, jy is die wêreld se beste BESTE sussie ooit!! Ek smag na 'n koffietjie! Nadat ek sommer 'n kaas toebie vir my gemaak het, en myself deur die stort gesleep het, val ek dood-moeg op die bed neer. Skaars my kop op die kussing, of ek's in droomland... Donderdag met Craig gereël dat ek saam met hom vandag sal werk. Hy kry my half 9 by die kantoor, en ons gaan sien 'n werkgewer van my in Roodepoort. Daar vandaan gou Tip Top toe, en toe Kempton Park toe. Oppad sommer by Kentucky gestop om elk 'n heerlike Streetwise 2 - met 'n ekstra stuk! - te kry en daar te eet. Ek het dit nie besef nie, maar ek's dood-honger! Nie lank nie, of ons is weer oppad. 'n Paar werkgewers gesien, en die dag is amper verby. Terwyl ons by die laaste werkgewer is, bel Honda om vir my te sê dit sal - ek hoop julle sit, anders moet julle NOU sit! - R18 000.00 kos. Julle het reg gehoor - AGTIEN DUISEND RAND!! Kan julle glo, hulle vra vir 'n nuwe battery R1200.00! Vir 1 spark-pluk R350.00!! Is hulle mal! Ek is naar; ek het skoenlappers in my maag; ek wil huil; EK SOEK MY MAMMA!!!! Niel bel en is daar naby, en hy kry ons daar vir 'n koffie. Gelukkig ken hy ook 'n mekanic, en ons reël met die ou dat ons Gwen later na hom toe sal sleep. 2 Koppies koffie later, en ek ry sommer saam met Niel terug. Craig, baie dankie dat ek die dag saam met jou kon spandeer, en dankie vir 'jy weet wat....!' (wink wink... 'n private joke) Eers Honda toe, en terwyl ek die papierwerk afhandel om vir Gwen uit hulle kloue te kry, gaan haal Niel gou die sleep-stang. Rabie straat is sommer om die draai, en two-tieks is ons daar. Carl werk van die huis af, en toe ek vir hom sê hoeveel Honda vra, sê hy 'kan hulle nie sien sy is 'n classic nie'.... Gwen, jy's 'n classic my liefste kar! Toe ons daar ry, weet ek ek laat haar in goeie hande. Niel drink gou 'n koffie, en ons kuier so bietjie voordat hy weer ry. Vanaand die dissiplinêre verhoor notule geskryf, en heerlike groente met tuna en 'n soet-suur sousie gemaak. Wel, dis laat, en ek moet in die kooi kom. Mag dit 'n wonderlike naweek vir julle almal wees, en tot ons weer gesels; no worries mate, en take care. Coen xxx

My Maandag Storie - 27 Julie 2009

Goeie naand, goeie naand.

Ek hoop dit gaan nog baie goed met julle almal? Lank laas gepraat; maar 'no news is good news!' Wel, ek weet wat julle seker nou dink...., maar nee, ek gaan beslis nie by Maart 2009 begin nie! Daar het so baie gebeur, maar ook so min. Soos Edith Piaf sing:- 'No! No regrets. No! I will have no regrets. All the things that went wrong, for at last I have learned to be strong....' Na 'n 5 maande sabbatical, is ek weer reg vir die pen en papier... of sal ek eerder sê die 'blog'!

My buurman Henriek en Adelaide is ook vroeg in Maart getroud, en ek het haar rok gemaak. Baie geluk, julle! Dan het my Dad ook vir 'n baie groot operasie einde Mei gegaan, en gelukkig was ek en Lien daar vir ondersteuning en kuier. Wat 'n wonderlike 3 weke was dit nie. Buiten vir elke dag se ry Kimberley toe, was dit wonderlik! Selfs 'n vriendin na 24 jaar weer gesien. Yolandè, dit was goed om weer te kuier. Elke aand tot wie-weet-watter-tyd gekuier, en nie bed toe gegaan voordat ons 'n cappuccino gehad het nie... (Moeder, ek is nou nog spyt oor daai paar sakkies wat terug gekom het....) Selfs my lewe gewaag voor 'n oop geyser en warm water, en natuurlik het Candy in my hart gekruip. Dad, Moeder, hoe kan ek ooit vir sulke mooi herinneringe 'dankie' sê? Ai, baie vuurmaaak hout vir koue winters-aande... Dan was dit mos weer my verjaarsdag einde Junie. Wow, ek het die speel-groepie oor gehad, en hulle het my bederf met die lekkerste eetgoed, en 'n ongelooflike mooi bord! Janneman en Frikkie, Ouboet en Bets, Derrick en Tanya, Egoli, julle is vriende wat ek vir ewig in my hart sal koester. Derrick en Tanya het ook die goeie nuus met ons gedeel dat hulle 'n nuwe Basson'netjie verwag. Baie geluk julle!! Nou wag ons net vir Ouboet en Bets... Op die net ook 'n vriend van skooldae af 'ontdek'. Felix, dit voel soos gister toe ons in die koor gesing het... In die tussen-tyd het daar weer 'n nuwe kroeg in Braamfontein oopgemaak, en ons kuier so nou-en-dan oor 'n naweek daar. Gelukkig nog-nie furniture nie, maar you never know...

Donderdag-aand die 23ste Julie het ons weer by Janneman en Frikkels gaan eet. Soos op spesiale versoek moes ek weer Moeder se lagie-slaai maak, Bets het haar heerlike knoffel-broodjies gebring, en Tanya het 'n heerlike peppermint tert gebring. Vanaand was ook die eerste keer dat ons Frans se nuwe vriend ontmoet het. Wat 'n aangename jong man is die Ryan nie! Fransman, alle geluk vir julle twee!! Soos altyd het Janneman weer uitgehang met die heerlikste gebraaide hoender, 'n lekker aartappel gereg en groentes. Cornelius en Sarel (al die pad van London af) was ook daar, en ons het lekker saam met hulle gekuier. Die aand was natuurlik nie volmaak sonder Egoli se 'Juan-Pierre the French fighter pilot' nie, en selfs Frikkels het vir ons 'n impersonation van 'Brumhilda op die vloer' gedoen. Lekker gelag, lekker gekuier, lekker geëet, maar ons moes ook huistoe gaan. Janneman, Frikkie, baie dankie vir 'n ongelooflike lekker aand saam met baie spesiale vriende!!

Vrydag vroeg op, maar as ek my sin kon kry, het ek eerder onder die warm duvet gebly. 'n Werkgewer gaan sien by Hillfox, en oppad terug sommer 'n koffie by my liefste vriend Janneman gaan drink. Basies net 'n inloer, maar dis mos altyd lekker om hom te sien. Ook oor die vingers getik omdat ek durf waag het om vir hom vars vrugteslaai te bring... Terug by die kantoor alles gedoen wat gedoen moes word, en half 4 is ek by die huis. My vriendin Gina se man - QP - is opgeneem in Joburg Gen, en ek gaan maak gou 'n draai daar. Mensig, vir die van ons wat privaat medies kan bekostig... ons is baie gelukkig!!! Ai, en my maatjie lyk nie goed nie. Terug by die huis, en net voor 7 is Thomas hier. Ja, hy kom kuier baie! Was mos nie kwaad vir hom nie!! Is nie lus vir kosmaak vanaand nie, en ons gaan eet by die Spur. Elk 'n lekker rump steak gehad saam met 'n aartappel en room. Mensig, laas so lekker geëet by die Spur in Kimberley (maar ook die laaste keer wat ek by 'n Spur was...) Wat 'n heerlike aand. Sou na die tyd 'n drink gaan drink het by Top Bar, maar daarteen besluit. Sommer voor die tv gelê, en net na 11 in droomland.

Saterdag oggend net na 8 op. Cresta toe vir 'n heerlike ontbyt by Mugg & Bean, en daarna gou 'n draai gaan maak by Frikkie. Het vir ons elk 'n 'my pillow' gekoop, en hopenlik is dit die oplossing vir 'n heerlike nagrus! Skaars terug, of Thomas moet terug Pretoria toe. Bietjie klere gewas, en ook gou shops toe. 3 Uur by QP 'n draai gaan maak, en Nocky, Seun en Michelle is ook daar. Tot net voor 5 gekuier voordat ek terug huistoe is. Vanaand is dit ons gemeente se dans, en ek sien vreeslik daarna uit. All dressed up, en 7 uur oppad. Natuurlik wag Francois en Johan ons in met die lekkerste warm glu-wine, en glo my, nog voordat ons begin, het ek al my glas gerefill, en weer gerefill, en weer.... en sommer nog 'n keer! Nou hoeveel keer het ek my glas gerefill? Dis die vraag: 'to refill, or not to refill?' Vir George gevra om saam te gaan, want ek wou nie alleen gaan nie - dis mos lekker om 'n goeie dans-maat te hê. Sit aan Dominee Trevor en Gerhardt se tafel. Ja, soos Janneman sê - 'jy is mos in by dominee en mevrou....' Wat 'n heerlike aand! Gewals, getwo-step, ge-you-name-it, dit was lekker! Natuurlik moes Eishkom ook 'n vinger in die pie gehad het, want net na 11 gaan die krag af. Hulle kon wel die musiek weer aan kry, maar ongelukkig nie die ligte nie, en half 1 is ek daar weg. Nee kyk, as julle al op lekker parties was, was julle beslis nognie op een van ons kerk se danse nie! Dominee Trevor, jy het voorwaar 'n span wat goed kan organize!!

Sondag bietjie laat geslaap, en net na 8 op. Mens sou sweer ek het die hele aand gedans so seer was my voete!! Norwood Hyper toe om bietjie inkopies te doen, en soos die noodlot dit wou hê; net toe ek uitstap, skeer my sak suiker, en die hele vloer word soet! Janneman, ek't nie suiker voor die deur gestrooi nie; sommer die hele sak daar uit gem..r!! Gelukkig het ek weer 'n heel sak verniet gekry. Terug by die huis die koerant rustig gelees, en 3 uur hospitaal toe. Vandag is daar baie mense wat wil kuier. Gelukkig verstaan Gina, en dit was net 'n vinnige in-en-uit hardloop. Vanaand gaan ek kerk toe. Dis fliek-diens, en Dominee Trevor het soos altyd 'n ongelooflike mooi boodskap. Dominee Trevor, ek sien nog hoe lyk jy in daai spiderman outfit...! Dankie dat ons kan vasklou aan ons Rots, en ook die wete dat Hy weet wat aangaan in ons lewens. Skaars terug by die huis, of ek's onder die appelboom...

Wel, geniet 'n wonderlike week, no worries mate, en take care.

Coen

xxx

Henriek en Adelaide Nadia verjaar - sy is nou 7! Peter en Peter Dad en Moeder Lien en Moeder Moeder verjaar Ek en Yolandè Ek en Marie Na die geyser gebars het... By ons hek op die plaas Suurlemoene pluk in die Noordkaap Ek en Candy Mensig Janneman, dit moes 'iets' vreesliks gewees het wat Egoli vir jou wys.... Soos altyd kuier Ouboet en Bets lekker... Ons toekomstige mamma Tanya en pappa Derrick. Ek en Kerneels Janneman en Frans Frikkie, Frans en Ryan Ek, Frans en Ryan 'Brumhilda op die vloer'....

Ons onthou...

Chris Lubbe * 27 Maart 1963 - + 5Julie 2009 ....Mis hom, maar laat hom gaan. Hier aan die einde van sy lewenspad het die son vir hom finaal gesak, maar moenie huil en treur oor hom. O nee, wees bly sy siel is vry. Mis hom vir 'n rukkie maar nie vir lank, met kop omhoog en geen hartseer klank. Onthou hoe het sy liefde ons lewenspad gebaan. Mis hom - maar laat hom gaan. Daardie pad moet ons alleen stap en alleen moet ons elk die tog aanpak. Dit alles is deel van God se Meerstersplan. Op pad na waar die ewige die tydelike vervang. So wanneer jy eensaam en hartseer voel, laat vriende en liefde en troos jou oorspoel. In goed doen aan ander kan geen droefheid bly staan. Mis hom - maar laat hom gaan. Rus in Vrede

My Maandag Storie - 23 Februarie 2009

Goeie more uit 'n heerlike koel en nat Johannesburg. Ek hoop en glo julle het 'n heerlike naweek gehad. Myne was wonderlik, dankie! Wag, kry gou daai koffietjies, sit terug, dan vertel ek... Vrydag oggend 'n dissiplinêre verhoor al 9 uur gehad. Gelukkig gaan dit mos gou, en net na 10 is ek daar uit. Toe terug kantoor toe, want ons het 'n vergadering half 11. Vandag gehoor ons kan half 4 huistoe gaan... Net voor 1 ook 'n draai by Highway Meat in Florida gaan maak. As julle ooit wil droë wors of biltong wil koop, gaan koop hier! Dis die lekkerste in die hele Johannesburg!! Terug by die kantoor al my admin gedoen, en half 4 is ek by die huis. Vanaand gaan ek saam met 'n pel by Cornutti in Illovo eet. Mensig, die beste pizza's in die hele Johannesburg! Lekker gekuier, geeët en gedrink! Net na half 12 terug by die huis na 'n heerlike kuier. Gedaan en moeg in die kooi geval... Saterdag vroeg op, want dis Ivy se oggend. Sy's net voor 8 hier, en ek kan nie nou-al gaan vir ontbyt nie. Was eers vir Gwendolien, want mensig, sy was vuil! Lyk amper soos 'n nuwe kar! Toe die koerant gaan koop, en by aroma's in Killarney gekuier. Na 'n heerlike oggend met die koerant en 'n heerlike omelette, is ek net voor 12 terug by die huis. Vanmiddag gaan ek bietjie P-town toe. Eers 'n draai by Thomas gemaak, want ek't so verlang na Gertruida, en ek wil bietjie met haar ook ry. Gaan kyk hoe speel Ruan tennis in Groenkloof. Julle sal nie glo hoe goed speel hy nie. Hy's nou 10, en die ou teen wie hy gespeel het, was 12. Ongelukkig het hy verloor 2/1. Maar as julle gedink het dis die laaste hoor van Ruan, maak julle 'n groot fout! Hier kom nog 'n SA Kampioen in tennis!! Met Ruan en Nadia agter in Gertruida, vat ons die pad huistoe. Gaan kuier bietjie by my Sussie vanmiddag. Moes ook luister hoe speel Nadia vir ons klavier. Te ou-gat! Moeder bel ook om te sê sy en Dad het die trotse ouers geword van 'n baba-dogtertjie. Cindy is haar naam... Te oulik, sê ek vir julle, te oulik!! Daar gery so half 7, en terug Thomas toe. Hy't vir ons heerlike burgers gemaak, met die lekkerste sous! (word genoem tannie Sarie se sous...) Skaars daar, of die hemele gaan oop! Mensig, dit reën dat die biesies bewe! Teen 10 uur trotseer ek die pad terug huistoe. Was goed om bietjie met Gertruida te ry... Net na half 12 onder die appelboom... Sondag net laat geslaap. So half 9 opgestaan, gou die koerant gekoop, en toe hospitaal toe. My vriendin Gina se man word vandag opgeneem. Wel, ek kom basies voor by dooie-mans deur, want die sekuriteit wil my nie in laat nie. Besoek-tyd is net van 3 tot 5. Bel gou vir Gina, en sy kom kuier buite by my. So half 12 daar weg, want ek't nog die koerant om te lees. Sommer bebotie warm gemaak, en ook van my Vrydag aand pizza geeët. 3 uur is ek weer oppad hospitaal toe. Nou mag ek gelukkig in. Gina en die kinders is ook daar, en ons kuier tot so kwart voor 5. Skielik begin dit reën.... wat lyk of dit nooit gaan ophou nie! Terug by die huis klaar gemaak vir kerk, en teen kwart voor 6 sit ek al. Kuier weer by Die Kapel in Mellville. Niel en Steve is ook daar. Eers 8 uur terug by die huis. Wel, my wens vir die week:- Skryf op jou hart dat elke dag die beste dag in jou lewe is. Ontvang die geluk wat jy verdien met ope arms. Gister se trane word pêrels, want jy is 'n juweel. Geniet 'n wonderlike week!! Tot ons weer gesels; no worries mate, en take care. Coen xxxxxxx

Die nuwe 'baba' in die Deacon's se huis...

Kyk net hoe lekker slaap ons...

Dad met die nuwe Deacon baba. Jou naam sal ..... Cindy wees! Ruan en Nadia op Gertruida se dak...

Ruan wys hy is amper net so sterk soos Gertruida...

My Vrydag Storie - 20 Februarie 2009

Goeie more uit 'n heerlike warm Johannesburg. Ek hoop en glo julle het 'n wonderlike week gehad. Natuurlik het ek weer (of eerder WEER!!) 'n SC week gehad! Ai, dis so lekker om myself te wees! Wag, kry gou daai koffietjies, sit terug, dan vertel ek... Maandag oggend begin met 'n ondersoek by 'n werkgewer in Greenside. Ai, werknemers is ook maar groot lieg-bekke!! Natuurlik sal hulle net vir jou hulle kant van die saak vertel, en nie die werkgewer se kant nie... Maar die waarheid kom mos altyd uit! Soos oom Lock altyd gesê het: "'n Wors het twee kante!" Ook gedog dit gaan net 'n paar minute wees, maar teen die tyd wat ek daar uit is, is dit na 12! My hele dag is daarmee heen... Toe Sunninghill toe, want daar's ook 'n werkgewer met probleme. Ja, vandag is my dag van probleme uitsorteer. Skaars gesit, of die werkgewer dra 'n cuppa-tjuno met 'n muffen aan! Hier sal ek meer moet kom kuier... Na 3 daar weg, en gou 'n laaste besoek gedoen voordat ek huistoe is. Vanaand weer voor die masjien gesit, en teen 11 uur hang die skirt - klaar!! Nou moet sy net pas. Myself deur 'n stort gesleep, en teen 12 uur onder die appelboom... Dinsdag weer 'n ondersoek in Sandton. Julle sal nie glo hoe lieg hierdie werknemers nie! Vertel vir my hulle kry so min geld hulle is eintlik skaam om vir hul vriende te sê wat verdien hulle... Wie bespreek nou hulle salarisse met hulle vriende...? Maar ek't hulle op hulle plek gesit! (go girl, go!!) Ook 'n paar voorsorg fonds state by werkgewers gaan afgee voordat ek Edenvale toe is vir 'n vergadering. Half 3 begin en gedog dit gaan lank aanhou... teen 3 uur is ons klaar! Gou 'n draai gaan maak by Gina-le, en vat ook chocolate eclairs saam vir 'met die tee'. So bietjie gekuier, en net na 4 oppad huistoe. My vriend Danie kom maak na werk 'n draai. Sommer net lekker gesels, en ook perspektief op my lewe gekry. Danie, dankie vir die oor wat luister, en die wyse woorde van bemoediging. Later weer aan die rok gewerk, en sommer vir my chicken mayo toasted broodjies gemaak. Mens sal sweer ek's verslaaf aan dit!! Net na 11 onder die appelboom... Woensdag gereed gemaak om uit te gaan toe ek hoor 'vandag het jy vergaderings op kantoor...' As hulle my nie betyds gesê het nie, sou ek sowaar as wragties Randfontein toe gery het. Gelukkig is die oggend net compliance arbitrasies - en soos dit met hierdie vergaderings gaan, het 90% van die werkgewers hulle rekeninge vereffen. So half 11 ry ek gou Wadeville toe om vir Blackie te gaan haal, en oppad terug by die Labour Court gestop. Die 1 uur vergadering het ook nie te sleg verloop nie. Alhoewel net die applikant hier was, kon ons 'n idee kry van presies wat sy wil hê. Vanaand gaan ek saam met Die Kapel 'n play kyk van Tobie Cronje by die Staats teater in Pretoria. Wil mos nou my fancy hemp aantrek, maar wil ook swart knope opsit... Jaag toe maar Oriental Plaza toe vir 12 knope... prys R2.50! Terug by die huis is dit 'n gewerkskaf teen tyd, want dis knope wat moet af, en nuwes wat moet aan! Ook die hemp gestryk voordat ek deur 'n stort is, en teen 6 uur oppad. Mensig, die verkeer... ek weet nie hoe doen die mense dit elke dag tussen Pretoria en Johannesburg nie... So erg dat ek by Grayston af is en die ou pad gery het aan die agter kant van Midrand deur. Gelukkig daar gekom teen half 8. Niel en Steve is ook hier vanaand. Kry sitplekke 3 rye van voor af! Wel, ek het lank-laas so lekker gelag. Veral vir mevrou Dominee wat op die menu gesoek het vir 'n 'fur-burger'... Net na half 11 daar uit, en toe reguit huistoe. Philip, baie dankie vir 'n wonderlike aand gevul met lag, baie lag, en so erg dat die snollies by my neus uitgekom het... Gou-gou in droomland... Donderdag weer op kantoor, want vandag het ek konsuliasies. Ai, van die 3 het ons darem 1 gesettle. Gou in etens-tyd Killarney toe, want vanaand gaan ons weer kuier by Janneman en Frikkels. Wat is 'n kuier sonder Coen se heerlike lagie-slaai? Oppad gou by Cresta in gehardloop, en kwart voor 7 is ek daar. Ekke, Janneman en Frikkels, Egoli, Roger, Riekert en Betz en Tania en Annemike. Frikkie het die heerlikste maccaroni en kaas gemaak, ekke die slaai, Betz se knoffel-brood het knoffel in gehad wat die hamster al die pad van Rusland af gebring en geknibbel het, en Tania het die wonderlikste poeding (MET VRUGTE!!) gemaak! 'n Ete reg vir enige koning!! Vanaand lekker gekuier, lekker geëet, en net so lekker gedrink. Eers 11 uur daar gery. Janneman, Frikkie, baie dankie vir 'n wonderlike aand, en onthou ek is ongelooflik lief vir julle twee! Wel, my wens vir die naweek:- God created turtles to remind us to slow down; Ants to remind us about small things; The sky to remind us to look up and pray; Friends to remind us how beautiful life can be! Thank's for being my friend! Geniet 'n wonderlike naweek, en tot ons weer gesels; no worries mate, en take care. Coen xxxx

My Maandag Storie - 16 Februarie 2009

Goeie more, goeie more. Ek hoop julle naweek was net so lekker soos myne! Wel, ek weet dit kan nie net so lekker gewees het nie, want julle was nie saam met my nie!! Maar dalk was julle s'n lekkerder...? En Saterdag was mos Valentyns dag.... gelukkig het ek die bewyse gekry dat hy oor'le is... Op spesiale gesag gehoor, en ook sommer 'n kiekie gekry as bewys.... Wag, kry gou daai koffietjies, sit terug, dan vertel ek... Vrydag loop ons mos half 4. Gou 'n draai gaan maak by Killarney Mall, en terug huistoe. Vanaand gaan ek by 'n vriend in Northcliff kuier. Rustig buite gesit en elk 'n whisky'kie gedrink terwyl ons aan droëwors peusel. Later 'n pizza gaan kry, en geeët terwyl ons Love Actualy op dvd gekyk het. My eerste keer, maar so 'n mooi storie! Na half 1 in die kooi gekom... Moet sê, ek het soos 'n klip geslaap. Seker omdat sy hond onder by my voete geslaap het... Vanoggend gaan ons ontbyt eet. Raai waantoe gaan ons...? Die Boomhuisie in Krugersdorp! Ai, dit bly maar lekker om daar te kuier. Eet elk 'n heerlike omelet. (Moeder, laat weet tog hoe spel mens die woord) Mensig, dis heerlik, maar gans te veel!! So lekker gekuier, maar die oggend stap aan. Net na 11 hom by die huis afgelaai. Nou moet ek my alie in rat kry, want ek moet nog winkels toe. Gou by Killarney in gehardloop, toe huistoe. Nou is dit Gina'le toe. Richard wil my swart suit vir vanaand se Valentyns party leen.... Gou 'n koppie tee daar gedrink voordat ek terug huistoe is. Vanmiddag kry ek vriende vir 'n braai. 'n Ou lekker hoendertjie op die kole, wors, en natuurlik my kaas, tamatie en uie braai-broodjies. Rustig buite voor die vuur gekuier voordat ons begin braai. En het die hoender nie lekker gekom nie! Behoorlik water-tand-lekker!! Het so lekker gekuier vanaand. (seker maar omdat die ou voggies ook baie gevloei het...) Teen half 11 is ek moeg en gedaan onder die appelboom... Sondag bietjie laat geslaap, en net na half 9 op. Terwyl die klere was, gaan koop ek gou die koerant. Terug by die huis eers rustig deur die koerant gelees terwyl ek koffie drink en van gister aand se broodjies eet. Toe begin die werk... Het die trou-rok se skirt klaar gesny, en nou is dit die vaswerk! Tot so kwart voor 5 gewerk, toe myself reg gekry vir kerk. Vanaand gaan ek by Philip Liebenberg se kerk kuier. Weer terug by die huis net voor 8. Gewerk aan die skirt, en teen 10 uur hang hy! Wel, my wens vir die week:- Ek wil net Dankie sê - Vir 'n gebed as jy na my verlang; Vir 'n glimlag as jy aan my dink; Dat jy altyd my nommer onthou as jy iets moois wil aanstuur. Dankie aan jou my vriend met 'n hart van goud! Mag God se liefde jou trou bewaar en mag jy Sy vrede en vreugde opnuut ervaat. Geniet die week, en tot ons weer gesels; no worries mate, en take care. Coen xxx

My Vrydag Storie - 13 Februarie 2009

Goeie more uit 'n heerlike koel Johannesburg. Hoe sal ek vandag begin.....? Iets soos 'Welkom terug?', of 'Waar was ek?'.... maar ek hoef mos nie verskoning te vra omdat ek 'n sabatical gevat het nie... Wag, kry gou daai koffietjies, sit terug, dan vertel ek sommer dadelik! My oggende is heel lekker. Die wekker gaan half 7 af, ek gaan sluit oop, klim terug in die kooi tot half 8, en dan staan ek nou behoorlik op! Julle sal nie glo hoe lekker is daai uurtjie se slaap nie...! Maandag op, en vandag is ek in die kantoor. Arbitrasies wat voorlê. Al doen ek dit so baie, bly dit nog baie werk! Daai konsentrasie om alles 'in te vat'... Maak net na 3 klaar. Ry gou Randburg toe, want ek't 'n afspraak met 'n werkgewer 4 uur. Al die moeite gedoen, en daar's die werkgewer nie eens daar nie! Sal hom later die week gaan sien. Terug by die huis maak ek vir my 'n lekker ommelet! Dis heerlik! Begin werk aan Adelaide se rok... Tussen die tv en die materiaal, val ek net na 11 in die kooi neer. Gou-gou onder die appelboom... Dinsdag weer in die kantoor, want vandag is dit konsuliasies. Ai, ek is so bly ek's nie op die pad nie, want die weer buite is woes! Dit grom, en dis weerlig, ek weet nie wat gaan aan nie...? Maar tussen dit alles gaan die vergaderings aan. Na werk gou 'n slot gaan koop, want vanaand begin ek weer gym. Sien nogal uit daarna. Wel, doen maar eers cardio, want ek is so onfiks! Ry 20 killo's fiets, en daarna draf ek. Skaars 5 killo's gedraf, en ek's kedaan!! Terug by die huis vir my pasta gemaak, want ek het daai carbs nodig! Weer aan die rok gewerk en tv gekyk. Vanaand my hart uit gehuil... Net na 11 uur die lig af gesit... Woensdag op. Dis 'n 'Ons onthou' dag vir ons... Vandag baie om te doen, en my eerste afspraak is in Benmore. Die dag is behoorlik van bakboord na stuurboord! Tot in Lanseria, en ook Fordsburg. Maak ook 'n draai by my vriend Niel vir 'n koeldrank. Die dag vlieg behoorlik. Gaan maak ook 'n draai by Oriental Plaza. Ek geniet dit om hier rond te loop... dis altyd goed vir my siel... Kry sommer 'n paar samoesa's vir aand-ete. Net na 7 by die gym, en vanaand vat ek dit bietjie stadiger.... die lyf is bietjie seer! Kan nie wag om my samoesa's te eet nie! Saam met daai atjar van Oriental, is dit heerlik! (mense wat sooi-brand kry kan dit nie eet nie....) Siende dat ek daai operasie gehad het, kan ek ENIGE iets eet! So bietjie gewerk aan die rok, maar teen half 11 is ek in droomland... Gedurende die nag wakker geword met 'n knie wat so seer is! 'n Drukverband op gesit, en gehoop dit sal beter wees in die oggend. Moet sê, dit het bietjie gewerk. Mac kry my net na half 8, want ek't 'n disiplinêre verhoor 8 uur in Hillbrow. Baie vroeg vir my! Maar nou kan ek soveel meer doen vandag. Terug by die werk half 10, en toe's ek uit. Eers weer Fordsburg toe, en ook gou 'n draai by my vriend Frans gaan maak. Wel, waar is al die ure in die dag heen? Roodepoort, Krugersdorp, Randfontein, en toe Suurbekom toe. Ja, waar is Suurbekom? Dis 'n klein gehuggie langs die highway oppad Lenz toe! Daar waar ek daai tyd met die Fordjie die hen en haar kuikens getrap het dat jy net vere sien! Ook 'n draai by Dennis gaan maak, en sommer langs-aan vir my vis en tjips gekoop. Vanaand gaan ek nie gym toe nie, want my been moet bietjie rus. Wel, moet sê, nie van die beste vis en tjips in die dorp nie.... Nee, ek is glad-nie impress nie! Werk aan die rok, en kyk tv. Net na 12 onder die appelboom... Vrydag, en vandag is dit ook 'n 'Ons onthou' dag... 'They shall grow not old, as we that are left grow old; Age shall not weary them, nor the years condemn. At the going down of the sun and in the morning, We will remember them...' Eric, Oupa Eric en Schalk, ons onthou... Wag, laat ek gaan, want die naweek lê voor. My wens vir die naweek:- Elke spesiale mens in my lewe is 'n gawe van God. Geld kan dit nie koop nie en ek is so bly, anders sou ek jou nooit kon bekostig nie! Tot ons weer gesels; no worries mate, en take care. Coen xxx

Ons onthou...

Eric Arthur Deacon

*23 September 1965 - +11 Februarie 2005

Stil, broers,

daar gaan ‘n man verby,

hy groet,

en dis vir laas.

Daar’s nog maar één soos hy;

bekyk hom goed.

Peter en Rosie Deacon, 08 Febraurie 1964

08 Februarie 2009

Aan my dierbare ouers, Peter en Rosie Deacon.

Hoe sê mens vir 'n Pa en Ma 'dankie' vir 45 jare saam?

Vandag wil ek vir my Dad en Moeder 'n gelukkige 45 jaar toewens.

En ook dankie sê vir die voorbeeld wat hulle vir ons as kinders is.

Dankie vir al die geduld, toewyding, vir lag en huil, maar seker die belangrikste - Julle liefde vir jul kinders wat binne julle skuil!

As ek ooit die geleentheid kan kry om 'ouers' te moet kies, sal ek weer julle as my ouers wil hê! Vir my is julle ewig, altyd en steeds!

Mag die jare wat voorlê, net so mooi wees soos die wat reeds verby is.

Baie liefde, en take care.

Coen xxx

Dad en Moeder raak verloof in Witrivier op 16 November 1963.

Peter en Rosie Deacon - 8 Februarie 1964.

Die begin van 45 jaar saam...

My Dad en Moeder - Peter en Rosie Deacon.