My Maandag Storie - 29 September 2008

Goeie more uit 'n heerlike koel Johannesburg. Mensig, het ons nie so gehoop dit gaan Sondag reën nie.... dit was koud, bewolk, en dit was al... geen reën nie! Wag, kry gou daai koffietjies, sit terug, dan vertel ek... Maandag begin met konsuliasies op kantoor. Het gedog dit sal lank vat, maar gou-gou daardeur gewerk... My middag arbitrasie was heerlik! Ja, reg gelees... heerlik. Skaars begin, of die werkgewer en applikant sê hulle wil skik. En toe, toe skik ons maar! Dit was nou regtig 'n lekker dag om vergaderings te hê. Vanaand maak Christo vir ons heerlike 'ice bein', tjips en groente. Mensig, dis baie, maar lekker. Net rustig voor die tv, en teen 11 onder die appelboom... Dinsdag weer op kantoor, maar vandag is dit konsuliasies. Ai, I just love it when a plan comes together... En vandag gaan alles ook net volgens 'plan'. Kan elke dag nie net so lekker wees nie? Vandag is dit ook 'n onthou-dag vir ons. Dad, Moeder, Lien, Sussie, Pieta... julle is almal in my gedagtes vandag. Na werk gou reg gemaak, want ons gaan vanaand Legends toe in Pretoria. Philip Liebenberg stel sy boek 'Daar's 'n gay pastoor in my kop' bekend, en Christo wil dit graag bywoon. Stop in Groenkloof om te eet. Kan nie die restaurant se naam onthou nie, maar ons het 'n vorige keer ook daar geeët, en soos altyd was die kos heerlik! 'n Pasta vir my, en Christo vat ook een. Alhoewel ons nie lank gekuier het nie, was die diens uit die boonste rakke! Stop net voor 8 in die Brooklyn Plaza. Raai wie wag vir ons by die ontvangs...? Niemand anders as Stefaans en Andrè nie!! So goed om hierdie maatjie weer te sien. Elk 'n drankie gedrink, en toe gaan luister na Philip. Wow, ek het gedog Christo kan baie praat, maar julle moet hierdie ou hoor!! Na die tyd het hy Christo se boek geteken. Terwyl ek daar rond staan, roek iemand 'Coenie Deacon'!! Die gesigte lyk bekend... maar ek het nie regtig 'n idee wie dit is nie! Kan julle glo, Heino en Chris!! Heino het saam met my gewerk by Mannekrag... jare gelede. Om presies te wees, 14 jaar gelede!! En lyk hulle nie goed nie. Dadelik nommers en e-mail adresse geruil, en toe's ons vort. Saam met Stefaans en Andrè by Mug & Bean gaan koffie drink, en toe huistoe. Net na 10 hier gekom, en dadelik bed toe. Skaars my kop op die kussing gelê, of ek was in droomland... Woensdag bietjie laat geslaap, maar ek moet myself roer, want ons het 'n paar vriende oor genooi vir 'n bring en braai, en ek moet nog 'n aartappel-slaai maak. Tjop-tjop, en dis klaar. In totaal was ons 14 mense. Kuier heerlik, en natuurlik vloei die voggies weer. Christo braai vir almal. Nie net was daar genoeg vleis nie, maar ook slaaie en selfs sjampanje en aarbeie! Dit was regtig 'n heerlike kuier. Paulo en Luiz, Steve en Niel, LeRoux en Lance, Francois en Kobus, Thomas, Henco, Andrew en Garth, dankie vir 'n heerlike middag. Ons moet beslis gou weer kuier. Net na half 9 is die laaste mense weg, en ons ruim gou op. Julle sal nie glo hoe moeg is ek nie, en dadelik in die kooi. Gou-gou in droomland... Donderdag eers 'n draai by die arbeids hof, en toe die CCMA gaan maak. Toe Wesrand toe. Oppad bel Niel, en sê ons moet mekaar gou in Mellville kry vir 'n koppie koffie. Alhoewel ek 'n klomp werkgewers moet sien, is daar tyd vir koffie ook. Nie lank gekuier nie, en toe's ek weer oppad. Gelukkig vlieg die dag net so vinnig verby soos wat ek die werkgewers sien. Christo se boetie, Francois, is hier in Johannesburg, en hulle kry mekaar vir lunch. Hulle reël dat ons vanaand gaan uit eet. Na werk eers myself deur die stort gesleep om van die dag se stof af te was, en toe's ons oppad. Kry Francois by die nuwe Jimmy's Killer Prawn in Edenvale. Buiten vir die heerlike kos, is dit so lekker om saam met die twee boeties te kuier. Na 'n heerlike aan uit, is ons net na 11 terug by die huis. Ek's te moeg om nog te dink aan My Storie, en val op die bed neer. Vanaand is ek gedaan!! Vrydag gou uit om 'n werkgewer te gaan sien, en net na 11 terug op kantoor. Admin gedoen, en die dag vlieg verby. Christo het vanmiddag vir Gertruida in Pretoria gaan haal, en na werk gaan maak ons gou 'n draai by Henriek en Adelaide. Hulle trou vroeg Maart 2009, en ek moet die trourok maak. (Henriek was my buurman toe ek in Northcliff gebly het.) So goed om hulle te sien, en gelukkig is dit 'n heel eenvoudige patroon wat sy wil hê. Daar vandaan Rosebank toe, want ons kry vir Janneman en Frikkels by Primi Piati vir ete, en dan gaan ons Mamma Mia kyk. My pasta was heerlik, maar gaan kyk beslis die movie! Was maar altyd 'n ABBA groupie, maar nou is ek 'n verslaafde Mamma Mia fan!!! My, my, here we go again! Julle moet dit net gaan kyk! Vanaand val ek met 'n rustigheid op die bed neer, en met ABBA wat 'till we meet again' sing, is ek oppad droomland toe... Wel, ek is nou gedaan, en sluit eers af. Die res van my storie sal ek later skryf. Daar's nog ons ontbyt van Saterdag oggend, en natuurlik Jacques se verjaarsdag party by Stonehaven on Vaal... My wens vir die week:- Gebede vlieg waar arende nog nooit kon nie; dit laat jou nie in die steek nie, want dit raak die hoogste troon. Mag jy diè dag nuwe hoogtes deur GOD se genade bereik. Geniet die week, en tot ons weer gesels; no worries mate, en take care. Coen xxx Lien en Jessy Paul en Margie, tequila op julle! Christo en sy boetie, Francois Ek en Francois

23 September 2008 - Eric, vandag sou jy 43 gewees het...

Herinneringe aan ‘n Broer “Yes, Peet”, het hy altyd oor die foon gesê, met die klingel van die ys in die brandewynglas in die agtergrond. En as jy hom vra wat hy maak.”Nee, ek en Lien braai gou ‘n vleisie.”, enige aand van die week kon jy bel en dit was sy antwoord. Ongelukkig het hy uit die koshuis skool gegaan, so die herinneringe aan hom is maar tot vakansies beperk en later toe ons uit die huis uit was. Ek onthou hom as ‘n ernstige mens,’n ou wat ernstig was oor sy werk en sy lewe, maar hy kon ook lekker kuier en dit kon hy goed doen. Nie uitermatig nie, net lekker. Ek onthou een keer toe ek en hy na Jaquelene’s in Pretoria was – dit moes hier rondom ’93, ’94 gewees het. Die plek was so vol ons het op die dansbaan teenaan die mense (en meisies!) moes dans, elkeen met ‘n bierbottel in die hand. En kyk, hy kon mos nie sy hande heeltemal oop maak nie,’n bierbottel en ‘n brandewyn glas kon mooi netjies in sy oopgemaakte hand pas sonder om uit te val!! Daai aand kuier en lag ons dat die spoeg spat – en een meisie ruk sommer haar top af en dans kaal bolyf. Ek en hy het omtrent drie minute later eers weer begin dans, so staar ons !!!! Ek sien steeds die beeld voor my toe ons hom op die stasie gaan haal het in Vervoerdburg toe hy van die Grens af gekom het. Luitenant E.A. Deacon, met ‘n skietbalkie bo sy linker sak. Ek onthou die bruingebrande gesig, die weermag klere en die R 5 geweer wat hy by hom gehad het. Hy het die wapen met gemak opgetel, iewers ‘n knoppie gedruk en die wapen het opgevou soos ‘n strykplank. Die indruk wat dit op my gemaak het !!!! Ons het die Otter saam gestap – hy het van die Kaap af gekom, ek van Prieska af en en ‘n paar vriende het saamgestap. Hy het met die Landrover gekom – met sy kortbroek en langmou kaki hemp wat se moue opgerol is, het hy ‘n lekker “macho” beeld uitgestraal. Ons het daar gestap en gesels en gekuier. Herinneringe… Die kere wat ons by hulle gekuier in die Kaap –hy en Helene het altyd moeite gedoen om ons tuis te laat voel. Hulle het ons Bloubergstrand toe gevat en op ‘n keer was ons na een of ander dam toe (Krom Elmboog) dink ek, en daar het ons die eerste keer seekos potjie geëet. Ek dink hy het vir Pa verafgod – die beeld van ‘n eenvoudige, amper sorgvrye lewe wat ons hier op die Platteland voer, was vir hom soos ‘n magneet. En jy kon sien – die kere wat hy hier op Delportshoop kom kuier het – in sy hart was hy steeds’n Noord Kapenaar en dit was asof hy vir die paar dae wat hy hier was, amper soos’n kind was en die lewe meer geniet het. Die buite werk, die rondry, die mense, die gesels – dit het hy altyd geniet. En dan saans om die vuur,met Oom Boet se stories kon jy sy kenmerkende lag duidelik hoor – hier was hy tuis ! En later het hy ook my lewe beny, die winkel, die plot, die trekker en die rustigheid. “Peet, laat weet my as jy die winkel wil verkoop.”, het hy gesê… En jag. En Ryno. Ja, hulle het jy saam in een sin genoem. Want as hy gaan jag het, was hy en Ryno altyd saam – en het hulle gekuier en gelag. Hy was ‘n baie goeie skut. Van sy weermag dae af. As jy hom gevra het of hy die bok raak geskiet het sou hy sê: “In die oog” of “Net so duim agter die linker blad” en jy kon maar gaan kyk – dit is presies waar hy hom neergesit het. In effek was hy altyd my rolmodel waarna ek opgekyk het. My “Hero” sou mens kon sê. Die langmou hemde wat se moue opgerol is, die vellies, die Landrover – alles dinge wat ek van hom af gekry het. En as ek die liedjie hoor wat so gaan “Did I ever tell you, you’re my hero, you’re everything I would like to be… I can fly higher than a mountain, you are the wind beneath my wings…” – dan dink ek altyd – dit is wat ek vir hom wou sê toe ek daar langs sy bed staan, maar hy kon my nie meer hoor nie… Mens wonder soms oor hierdie dinge. Ek het vir niemand nog gesê nie (ek wou een aand vir Riana vertel, maar die groot weemoed het my oorval, nou skryf ek dit maar) Hoekom gebeur dit ? Toe ek hoor hy is siek, het ek in die geheim ‘n brief vir die Here geskryf waarin ek hom vra om mỳ te vat sodat hy kon gesond word. Ek het dit in my kas weggesteek en later opgeskeur – na sy dood. En ek het geleer: elke mens se pad is vir hom uitgewerk. Elke tree is reeds afgemeet. Elke asemteug reeds bepaal. As ek kon kies hoe ek moet gaan, sal ek nie sy pad vat nie. Soveel moed en stamina het ek nie, nee gee my ‘n vinnige dood. Ek sien nie kans vir sy paadjie, wat hy met soveel statigheid gestap het, nie… Wat my opgeval het was die hoeveelheid vriende wat hy gehad het. Weermag vriende, universiteits vriende, werksvriende – ongelooflik op hoeveel mense se lewens hy ‘n impak gemaak het. Die week voor sy dood het Ryno kaartjies vir Valiant Swart se Mystic Myle in Stellenbosch gekoop – en die Vrydag toe hy dood is toe sê ek vir Ryno dat ons dit liewers moet los. “Eric, sou dit so wou gehad het. Hy was mal oor Valiant.”, het Ryno gesê. En daardie aand toe sit ons in die gehoor by Valiant Swart en luister. En toe hy vir Sonvanger sing begin Ryno so hard te huil dat die mense rondom ons vir ons kyk. Vriende vir altyd… En daar langs die hospitaalbed het ons vir hom gekuier, roomys en Kentucky nuggets geëet. Ek dink nie hy het baie daarvan onthou nie want hy was baie deurmekaar. “ Peet, luister vir my. Eendag sal alles weer bymekaar uitkom, die ruimte, drie dimensioneel. So” En hy wys met sy krom vingers hoe die denkbeeldige ruimte gevou is en alles weer bymekaar sal kom. “Verstaan jy, ons is alles deel daarvan en alles sal bymekaar uitkom.” Hy het frustreerd gelyk en weer probeer, “ Gee vir my ‘n papier dan vou ek dit vir julle. Verstaan jy, Peet, verstaan jy ? ”… Toe hy vir hom ‘n ander bakkie koop, het ek sy Landrover by hom gekoop en ry hom nou nog. En elke keer as ek in die Landrover klim, of my brandewyn glas so skud laat jy die ys hoor klingel – dan onthou ek met ‘n glimlag … Ek dink tog ek begin nou te verstaan…

P.S 'n Spesiale dankie Pieta, vir hierdie pragtige onthou...

My Maandag Storie - 22 September 2008

Goeie more uit 'n koel Johannesburg. Nee, dis nie weer winter hier nie, maar dis koud! Ek hoop julle het 'n heerlike naweek gehad. Natuurlik was dit nie net 'n lekker naweek vir my nie, maar ook 'n besige en opwindende naweek vir onse regering.... Soos almal seker teen hierdie tyd al weet, het die ANC mos vir President Thabo Mbeki gevra om te bedank... Wag, genoeg politiek gepraat. Kry gou daai koffietjies, sit terug, dan vertel ek... Vrydag net na 12 vir Christo by Nescafè gekry vir middag ete. Word bederf met 'n pragtige hemp van Old Khaki. Na 'n heerlike hoender-slaai, is ek weer oppad. Gou 'n werkgewer gaan sien, en toe terug kantoor toe. 'n Klomp admin gedoen, en teen half 5 by die huis. Vanaand net rustig. Christo braai vir ons 'n heerlike stukkie hoender en varkworsies. Met 'n lekker pita-brood en slaai, was dit heerlik. Net rustig voor die tv vanaand, en teen 12 uur onder die appelboom. Saterdag vroeg op, want Ivy is mos weer hier. Gou 'n draai by Nescafè in Rosebank gaan maak vir 'n cafe-latte, toe Woolies toe, en toe Parkhurst toe. Gaan eet ontbyt by Espresso's. Het eiers en bacon op brood.... lekker! Sit rustig in die sonnetjie, want dis koel vanoggend. Na 12 weg, en gaan maak 'n draai by Cresta. Christo koop sommer 'n gas-bottel, en ons doen window-shopping met die oë... Oppad uit ook natuurlik chokolade gekoop. Gaan maak 'n draai by my liefste vriend Janneman. En is hy nie bly vir die chokkies nie...! Bietjie daar gekuier, toe's ons huistoe. Terwyl ek voor die rekenaar was, lees Christo sy boek. Vanaand kan ons (ek!) nie besluit wat ons wil maak nie... Tjippies, vis en uie-ringe is op die spyskaart. Jong, dis lekker! Natuurlik het my mond gewater vir heerlike melk-kos voor 'n warm kaggel, maar dis net vir my Dad en Moeder beskore... Bietjie gelees, en net na 11 in droomland. Sondag bietjie laat geslaap. Net voor 9 op, klaar gemaak, en toe's ons Parkhurst toe. Vanoggend 'n verjaarsdag-ontbyt by Hadego. Henco het Maandag verjaar, en vandag is die party! Julle sal nie glo nie, maar ons is die eerste mense daar! Natuurlik is almal laat, en net voor half 11 daag hulle op. Ken niemand nie, behalwe Henco. Gou-gou vriende gemaak, en die oggend skop goed af. Na die eerste 'bloody merry' is die ys gebreek, en ons kuier heerlik. Bestel 'n lekker ommelet, en die kos is heerlik. Buiten vir die kos wat lekker is, is die mense net so nice. Die drankies begin vloei, en dis die een jagie-bom na die ander. Moenie bekommerd wees nie - ek het op 2 biere gekuier! Wel, die oggend het gevlieg, en net na 3 is dit tyd om te gaan. Kan julle glo; van 10 uur af tot 3 uur!! Gou 'n draai gaan maak by die huis, en toe's ons Janneman toe. Vandag is daar 'n SALE by sy huis, want hulle trek die einde September na 'n ander plek toe. Ek het niks op my 'wish list' nie; net die Manola Swarofski sandale. Mensig, ek het mos al lankal my oog op hulle, en raai wat? Janneman het hulle spesiaal vir my gehou! Sal beslis in die toekoms vir julle 'n kiekie stuur... 'n Bietjie gekuier, toe's ons huistoe. Eers 'n paar goedjies in die was gegooi, en toe voor die tv gesit om na die bedankings-boodskap van President Mbeki te luister. Wel, Sondag, 21 September, was my goeie vriendin Casandra se verjaarsdag, Maandag 22 September is dit my tannie Sus (Hantie) se verjaarsdag, en Dinsdag 23 September sou dit my ou-boet Eric se verjaarsdag gewees het. Cassie, tannie Sus, mag dit 'n wonderlike dag vir julle wees, en mag die jaar vol geluk, vreugde en gesondheid wees. My ou-boet, ons onthou... My wens vir die week:- If you find a dream inside your heart, don't ever let it go; for dreams are the tiny seeds from which beautiful tomorrows grow. Geniet die week, en tot ons weer gesels; no worries mate, en take care. Coen xxx Dad en Moeder

My Vrydag Storie - 19 September 2008

Goeie more uit 'n heerlike koel-warm Johannesburg.

Ek hoop julle het 'n heerlike week gehad. Myne - wel, natuurlik weer SC!! Wag, sonder enige fanfare, kry gou daai koffietjies, sit terug, dan vertel ek...

Maandag vroeg op, want ek's uit op die pad. Eers gou 'n paar rekeninge geprint op kantoor, en toe's ek weg. Noorde toe... Buiten vir die hitte, is dit 'n lang dag. Toe ek my oë uitvee, is dit tyd om huistoe te gaan. Vanaand maak Christo vir ons heerlike hoender, groente en rys. Lekker! Net rustig voor die tv vanaand, en teen 11 in droomland.

Dinsdag gou 'n draai gemaak in die kantoor. Christo ry vandag saam om my geselskap te hou. 'n Klomp werkgewers wat gesien moet word. So half 3 ry ons verby Silversands, en besluit om te gaan kyk hoe lyk dit daar. Mensig, heel impressive! Nou nie mersk groot nie, maar nice. Sekerlik dit wat my die meeste bygeval het, is die pragtige meer... En is ons toe nie gelukkig nie - terwyl ons buite staan en daarna kyk, begin die water-orrel speel. Wow, dis pragtig. Ek kan net dink hoe mooi dit in die aand moet wees met gekleurde ligte daarby!! Ek's nie 'n groot dobbelaar nie, maar Christo wil darem 'n paar randjies speel. En raai wat; nee, hy't nou nie sooooo baie gewen nie, maar 'n ou paar ekstra pienk blaartjies maak ons kuier aangenaam... (seker nie dat mens ooit genoeg sal hê nie...). Regtig, ons dobbel nie graag nie, maar sal gerus een aand hier kom eet... net vir die ondervinding van die water-orrel! Oppad huistoe gou 'n draai by Cresta gemaak, en toe's ons terug. Vanaand eet ons heerlike nacho's. Daar's avo, salsa, nacho's, en natuurlik kaas in. Sal julle elk moet nooi om dit te kom eet, want woorde kan nie regtig beskryf hoe lekker dit is nie... Vanaand weer 'n rustige aand, en net na 11 onder die appelboom...

Woensdag Midrand toe. Gaan doen 'n inspeksie by 'n werkgewer daar. Ai, wat ek gedink het gaan 'n uur vat, vat toe 3 en 'n halwe uur! Vanmiddag het ons Council meeting, en ek moet terug kantoor toe. Soos altyd is die vergadering nie te lank nie, en teen 4 uur is ons klaar. 5 uur kry ek en Christo vir Alta by Nescafè vir 'n drankie. Christo het nie lank gesukkel om my te oortuig om 'n 'bloody mary' te bestel nie... Daarna eers oor die brug gaan loop sodat Alta kan sien hoe dit by die Gautrain Rosebank stasie lyk. Wou net ry, toe ons besluit om nog 'n skemer-kelkie te gaan drink. Eers weer by Nescafè gesit, maar siende dat hulle nie martini's bedien nie, skuif ons toe Nino's toe. Ja, 'so much for martini's'... want op die einde drink ons heerlik aan margarita's! Nie net een nie... Gelukkig is daar 'n mandjie peusel-happies om ons net-net nugter te hou... Dis mos nou die lewe hierdie!! Soos Christo gesê het; al wat kort, was die see wat hier onder ons breuk... Terug huistoe, en vanaand is ek nie honger nie. Sommer later 'n broodjie gemaak, en teen 10 in droomland.

Donderdag weer uit, maar eers gou vir Christo by Killarney gekry vir 'n koffietjie voor die dag begin. Toe's ek arbeidshof toe, en daarna uit Wesrand toe. Florida, Roodepoort, Noordheuwel... noem dit, en ek was daar. 'n Klomp werkgewers gesien, en teen 4 uur gou by my liefste vriend Janneman ingeval. So goed om hom te sien, en hy lyk so goed! Drink 'n koeldrankie daar, en toe's ek huistoe. Janneman, onthou jy is baie spesiaal, en ek dra jou elke dag in my gebede. Vanaand braai Christo vir ons 'n ribbetjie met kool en mengel slaai. Mensig, ek word so bederf met al die lekker kosse! Ek hoop Callas Forever kan my dank aan jou wees, Skapie.

Wel, Vrydag, 19 September is my goeie vriend Niel se verjaarsdag. Niel, baie geluk, en mag dit 'n wonderlike dag wees. Mag die jaar gevul wees met vreugde, gesondheid en voorspoed.

Ek sluit 'n paar kiekie's in van toe Peter, Riana en die kinders 'the Phantom of the Opera', of soos Pieta sê; 'die pantoom', gaan kyk het in Sydney.

My wens vir die naweek:-

Ek stuur hiermee...

die son en die see, 'n sterretjie of twee, handevol blinkers en emmers vol lag om te sê

'Goeiedag' en 'Geniet die naweek'.

Tot ons weer gesels; no worries mate, en take care.

Coen xxx

Leanka en Dicky

Riana, Dicky en Leanka

Dicky en Leanka

How do you spell exonerate?

'n Artikel wat in die Bathurst plaaslike koerant verskyn het oor die Spelling Bee kompetisie. Baie geluk, Pieta! Ons is baie trots op jou!! How do you spell exonerate? BY LOUISE EDDY 18/09/2008 11:48:00 There were some pretty tricky words flying around when 20 schools took part in the regional final of the Premier's Spelling Bee yesterday. Words like emphysema, and exonerate proved stumbling blocks for some, while others fought on. Kelso Public School was the only local school to take part in the competition which saw children travel from Parkes, Forbes, Cowra, Orange, Mudgee and Lithgow. Anticipation built steadily as parents and students packed into the school hall. The Kelso team, made up of Mark Withers Year 6, Joseph Nightingale Year 4, Matthew Nightingale Year 4 and Keerthana Mohan Year 5, performed well. However, the junior section was won by Alicia Young of Oberon Public School, followed by Jamie Smith of Forbes North Public School. The senior division was won by Peter Deacon of Kandos Public School with Aden Samimi-Duncan of Canobolas Public School coming in as the runner up. The event is one of 32 regional finals being held across the state. "The students have been putting in many hours of extra study in preparation for the final and I congratulate them on getting to this stage of the Premier's Spelling Bee Challenge," Mr Martin said. "The Premier's Spelling Bee was introduced in 2004 and is part of the NSW Government's $616 million, four year investment to further improve literacy and numeracy rates at NSW public schools," he added. Dicky

My Maandag Storie - 15 September 2008

Goeie more uit 'n koel Johannesburg. Ai, ek hoop sommer dit was 'n heerlike naweek. Natuurlik het ek 'n fantastiese naweek gehad! Net te min slaap gehad.... maar wag, kry gou daai koffietjies, sit terug, dan vertel ek... Vrydag mos die braai by die kantoor gehad. En was ons nie verras oor die rede vir die braai nie...? Sybil se 10 jaar diens by die maatskappy! Ja, duu!! (onthou, die duu moet in 'n diep bas stem gese word...) Lekker prego steaks en wors! En natuurlik my heerlike slaaie! Mensig, ons eet lekker vandag, maar net so lekker kuier ons ook. Wel, net toe ek besluit om vir Christo te gaan haal sodat hy saam kan kuier, besluit almal om te gaan.... (is daar dalk 'n boodskap in hulle optrede?) Nee, ek maak net 'n grap. Sybil en Mike besluit hulle sal nog 'n bietjie kuier. Eers buite gesit, en later geskuif binne toe. Elk weer 'n heerlike bord slaai en prego gehad... Na 'n heerlike middag, wat toe 'n aand geword het, is hulle net na half 9 weg. Vanaand is ek nogal gedaan, en net na 12 onder die appelboom... Saterdag vroeg op, want Ivy is weer hier vandag. Vandag gaan ons Parkhurst toe vir ontbyt. Mugg & Bean. Lekker om so nou-en-dan op 'n ander plek ontbyt te gaan eet. Daarna Cresta toe. Ons wil sommer vir die klein-kinders bietjie klere koop om saam met Shaun terug te stuur. En natuurlik moet Logan ook haar teddy kry! Ai, daar is so baie oulike kleertjies... kry ook Logan se teddy! Net daar weg, of Christo stel voor ons gaan maak gou 'n draai by Janneman. Ag, so lekker om hierdie boetie van my te sien! Ek voel so bevoorreg om 2 keer in een week saam met hom te kuier! Frikkels is ook oppad, en ai, net so lekker om hom te sien. Besluit ons gaan lunch by die Spur. Mensig, elk 'n heerlike spare rib burger! Dis heerlik! Buiten vir die lekker kos, is die geselskap wonderlik! Janneman, Frikkels, dis wonderlik om julle weer te sien. Onthou ek is baie lief vir julle! Toe 'n draai gaan maak by Gina, want Richard wil my swart suit 'leen' vir sy matriek-afskeid die 24ste. Daar gekom, hou hulle verjaarsdag party... Wel, ek het nie geweet nie, en ek is ook nie genooi nie, maar hier is ons nou. Richie pas gou die pak aan, en mensig, dit pas perfek! Hoop nou hy gaan dit oppas totdat ek dit terug kry... (sy broer het mos die pak geleen vir sy troue, en na die tyd word dit toe in die was-mandjie gegooi...) Wel, die dag het behoorlik gevlieg, en met Teddy wat agter sit, en wil huistoe gaan... is ons terug. Vanaand is dit die kerk se 12de verjaarsdag viering met 'n ete en 'n dans. Word gehou by die Rooseveld Bowling Club. Moet self 'n pluimpie vir Christo gee... hy het so sexy gelyk! Oom Pieter en Kevin is ook daar! Ag, ek is regtig so bly hulle kon dit maak! Sit aan Hennie se tafel, en saam met ons is daar 'n jare-gelede kennis... Willie. Jare gelede... om presies te wees - so 20 jaar gelede! In die jare toe ek in Pendennis Woonstelle gebly het... Wel, hy kan my onthou toe ek nog hare gehad het... Dis nie net die geselskap wat goed is nie, maar die kos... Julle sal nie verstaan nie... dit was uit die boonste rakke! 'n Heerlike phylo-koekie met tuna op, dan hoender, lams vleis, rys, boontjies, lemoen worteltjies, aartappeltjies, slaai... en vir poeding lekker mousse met room... Wow, ek sal enige tyd hierdie spyseniers aanbeveel! Gerhard, dra asb my komplimente oor aan hulle, want dit was absoluut wonderlik! Nie net was die kos lekker nie, die dans ook. Tiekie-draai, wals, twist, two-step, you name it... ons het dit gedoen. Mensig, teen die einde was ek gedaan... Kwart voor 12 is dit tyd vir ons om huistoe te gaan... net voordat die koets in 'n pampoen gaan verander! Dominee Trevor, baie dankie dat ons nog 'n jaar saam met julle kan vier. Vanaand was (buiten vir die ja-broers wat nie daar was nie....) 'n heerlike aand! Half 1 in droomland... maar half 2 word ons wakker gemaak met die alarm wat lui...! Sondag net na 6 op... as dit van my afgehang het, het ek nog geslaap! Jan Smuts toe, want ons wil vir Shaun sien voordat hy terug vlieg Kaap toe. Teen kwart oor 7 op 'n Sondag oggend sit ons al pen-orent by Fournos besig met ontbyt! Net na half 9 sien ons gou vir Shaun, en al die persente word gegee. Dis jammer ons kon nie langer tyd saam met hom spandeer nie, maar ons verstaan... Terug huistoe. Terwyl ek die koerant lees, en klere in die wasmasjien het, gaan dut Christo so bietjie. So half 12 bel ons vir Franscois, en ons kry hulle by Nuno's in Melville vir lunch. Kuier heerlik. Vandag is ek baie teleurgesteld met hulle pasta! Maar mens eet seker nie pasta by 'n portugeuse plek nie... (ons moes dalk by Dad en Moeder gaan eet het, want dit was glo 'n konings-maal daar!!) Net na 4 terug by die huis, en ons val op die kooi plat... Slaap tot 6 uur. Swaar opgestaan, maar ons wil kerk toe. Vanaand is dit nagmaal. Dominee Trevor, dankie vir die bewusmaking van dat ons moet gereed wees... ek hoop ook maar party dae dat ek gereed sal wees... Wel, my wens vir die week:- Ek is hier, se die Here. Jy kan My nie sien nie; tog is Ek die lig waarby jy sien. Jy kan My nie hoor nie; tog spreek Ek deur jou stem. Jy kan My nie voel nie; tog is Ek die krag van jou hande. Ek is besig om jou te lei, al verstaan jy nie My wee nie. Net in stilte is Ek by jou vir altyd. Tot ons weer gesels, no worries mate, en take care. Coen xxx

My Vrydag Storie - 12 September 2008

Goeie more uit 'n lekker koue Johannesburg.

Ek hoop dit was sommer 'n heerlike week. Natuurlik het ek 'n SC week gehad. Hard gewerk, en ook elke aand goed gerus... Wag, kry gou daai koffietjies, sit terug, dan vertel ek...

Maandag vroeg uit, want ek het baie om te doen vandag. Baie werkgewers wat gesien moet word voor Vrydag... Kan julle glo, oppad Malvern toe stop die verdomde spietkops my, en gee vir my 'n boete van R200.00 omdat my voorste nommerplaat gedreek is... Ek wonder, as my week so begin, hoe gaan dit nie eindig nie... 'n Klomp werkgewers wat gesien moet word in Roodepoort, en ook in Krugersdorp. Dis nie warm vandag nie, dis kokend!! 30 grade! en more gaan ons glo nog warmer wees... Randfontein, en teen 4 uur Kocksoord. Net na half 5 my laaste werkgewer gesien, en toe huistoe. Gelukkig is die verkeer ok. Die dag vlieg behoorlik verby. Vanaand maak Christo vir ons 'n heerlike hoender-sampioen en rys pasty. Heerlik! Rustig voor die tv, en net na 11 onder die appelboom.

Dinsdag eers op kantoor, en toe Suide toe. Vanoggend 'n disiplinêre verhoor. Toe nie so sleg soos wat ek gedink het nie... Na 11 uur klaar, en kry vir Christo by Nescafè vir koffie. Ons deel sommer 'n tramazini en tjippies. Toe's ek weer oppad. Northgate se kant toe. Eers vas gehaak by 'n werkgewer in Randburg, en soos hulle sê, die res is geskiedenis.... Wel, nou nie geskiedenis nie, maar die dag het gevlieg. Vanaand maak Christo vir ons heerlike pasta! Ai, dit bly maar my gunsteling!! Rustig voor die tv, en 11 uur in droomland.

Woensdag op kantoor. Het arbitrasies in die oggend en middag. Moet sê, die een in die oggend verloop goed, en selfs die middag s'n ook. Net na 2 is ons klaar. Skryf aan die bevinding van gister se disiplinêr. Wil vanaand bietjie uit gaan, maar nadat ek gestort het, besluit ons daarteen. Christo maak vir ons heerlike vis, tjippies en spinasie. Gaan weer rustig voor die tv wees. 10 uur lui my sel, en dis Richard. Wil net vir my sê Gina is in die hospitaal met bloedklonte in haar been... Glo vanoggend opgeneem. Vanaand is ek net na 12 in droomland.

Donderdag weer op kantoor. My twee konsuliasies verloop so-so, en ek kry baie tyd om aan 'n arbitrasie-bevinding te werk. Gou half 1 ry ons Germiston hospitaal toe om vir Gina te gaan kuier. Toe ons daar kom, sit sy buite en rook. Wow, ook maar goed ons het gaan kuier, want sy kan huistoe gaan. Vat haar sommer huistoe, en sien vir QP, 'Chelle en Richard. Word na die kombuis gesummons deur Richard... Sy matriek-afskeid kom nou die 24ste, en daar's baie 'wense' wat bewaarheid moet word... Een van hulle is natuurlik die pak klere... Terug kantoor toe, want my laaste vergadering is half 3. Net die werkgewer is hier, en ek moet 'n 'onopgeloste sertifikaat' uitreik. Net na 4 gou Killarney toe, want ek moet 'n klomp goed kry. Ons het more 'n braai, en raai wie moet slaaie maak...? Terwyl Christo vir ons kos maak, maak ek slaaie. Moeder se aartappel slaai, en 'n lagie-slaai. Christo maak vir ons die lekkerste vleis, aartappels en groente. Teen half 12 is die slaaie klaar, en ek val voor die rekenaar plat. Wel, dis 'n opwindende naweek wat wag, en ek moet my 'beauty sleep' inkry vir more.

My wens vir die naweek:-

Vriendskap is:

'n Brug oor eensaamheid. 'n Steunpilaar in pyn. 'n Vlam vir n lamp as jou lewenslig kwyn. 'n Skouer om op te huil as die lewe druk. 'n Stewige hand om jou vas te hou. Een wat 'n roos kan pluk. 'n Oor wat luister al sê jy soms sinlose dinge. 'n Stem wat fluister... Jy's 'n kosbare mens!

Tot ons weer gesels; geniet die naweek, no worries mate, en take care.

Coen xxx

Nadia by haar laaste Oupa en Ouma Dag

Nadia

Tatum

Dylan

Logan... is sy nie pragtig nie?

Peter en die koala wat kom kuier het...

Dad en sy boetie, oom John. Mens kan sien dis boeties...

My Maandag Storie - 08 September 2008

Goeie more uit 'n heerlike warm Johannesburg.

Mensig, het ons vanjaar die lente vergeet, want ons het behoorlik van winter na somer toe gegaan!! 'n Heerlike warm week, en net so lekker warm naweek gehad. Wag, kry gou daai koffietjies, sit terug, dan vertel ek...

Maandag begin met 'n arbitrasie. Kan julle glo... skaars terug by die werk, of ek moet alweer arbitrasies doen... Gelukkig is dit nie 'n slegte vergadering nie, en dis gou verby. Nou moet ek begin werk! Christo is net betyds terug, en hy ry saam my. Eers Malvern toe, en toe uit Wesrand toe. Vandag is daar baie om te doen. Nie tyd vir poer-poer nie, en die dag vlieg behoorlik. Sommer 'n klomp werkgewers gesien, en net na 5 terug by die huis. Vanaand maak Christo vir ons lekker 'iets', (ons kan nie onthou nie! - maar dit moes lekker gewees het, want ons het dit alles op geëet!) met mash en ertjies. Wag, wag, Christo het nou-net onthou; dit was eisbein met mash en ertjies! En glo my, daai eisbein was heerlik! Vanaand rustig voor die tv, en teen 10 uur onder die appelboom...

Dinsdag vroeg op, want vandag gaan ek bietjie Pretoria toe. Nie lus om alleen te gaan nie, en Christo ry saam. Gaan Pretoria-Noord toe, en moet die hele tyd net rondry opsoek na nuwe slaghuise... Kan julle glo, dis behoorlik net rondry!! Alhoewel ons 'n paar werkgewers gekry het wat nie geregistreer is nie, is daar ook baie wat wel is. Selfs 'n draai geloop in Wonder Park... Teen half 3 is ons klaar vir die dag, en ons gaan maak gou 'n draai by Sussie. So lekker om hulle te sien, en saam met die koffie kry ons heerlike kaas-koek. Lol, ons moet beslis daai resep kry vir almal wat hier kom lees - dit was absoluut fantasties!! En ek kry toe vir Simba, die leeu!! Dankie, my liefste Moeder. Glo my, hy sal elke aand my oppas terwyl ek slaap... Trotseer die verkeer terug huistoe. Vanaand kom Thomas by ons eet, en hy's net na half 7 hier. Al voel Christo nie lekker nie, maak hy nog die heerlikste kos! Hy maak vir ons sy al-om bekende hoender en feta pasta. Mensig, dis nie net ek wat dit geniet nie; Thomas hou ook daarvan! Ons kuier heerlik, en net na 10 is Thomas weg. Thomas, dankie vir die kuier, en ons hou duim vas vir jou... Skapie, die kos was heerlik!! Baie dankie! Net na 11 onder die appelboom...

Woensdag weer Pretoria toe. Vandag ry ek in die Kolonade-omgewing rond. Dis warm, en die dag vlieg verby. Teen 2 gaan maak ek gou 'n draai by Sussie. Wel, is sy nou bly om my te sien! Soos gewoonlik kuier ons nie net nie, ons werk terwyl ons kuier... En ek moet sê, die middag vlieg verby. Wel, Sussie moes 4 uur by die stoei gewees het, maar ons maak half 5 klaar! Dis verkeer, en huistoe. Net na half 6 by die huis. Christo was die hele dag in die bed, en hy lyk nie te wel nie... Natuurlik het hy sy eie idees oor hoe hy gedokter moet word... Vanaand eet ons stir-fry, en dis heerlik! Al voel hy nie goed nie, is die kos nog lekker!! Rustig voor die tv, en net na 11 in droomland...

Donderdag weer in P-town. Eers 'n draai gaan maak by my Oupa en Ouma se graf, en 'n bietjie daar vertoef... Ry uit Rosslyn toe. 'n Paar werkgewers daar gesien, en so 1 uur klaar gemaak. Alweer Sussie toe. Terwyl ons werk, eet ons lekker seafood en hoender pizza. Die middag vlieg behoorlik verby. Vandag maak ek net na 4 klaar, en ja, toe's dit terug huistoe. Ons eet vanaand heerlike kerrie-hoender en rys. Julle sal nie weet hoe lekker dit was nie!! Heerlik!! Na gister se werk by Sussie, is my arm behoorlik 'af' vanaand. Ek sal maar kyk hoe gaan dit more met die arm, anders sal ek maar gaan vir fisio.... Net na 11 in droomland...

Vrydag is dit my liewe klein-boetie Peter se verjaarsdag! Pieta, baie geluk, en mag dit 'n heerlike dag wees. Ek wens vir jou net die mooiste, die beste en die gesondste toe vir die jaar. Rustig by die kantoor, en doen 'n klomp admin. Sal nie glo nie, maar ons loop nie vroeg vandag nie... Vanaand is ons rustig by die huis, en met lekker vis en tjippies, is ons magies ook vol. Kyk tv tot na 11, en toe's dit bed toe.

Saterdag vroeg op, want Ivy is hier. Ons gaan eet ontbyt by Nescafè, en daarna gou 'n paar goedjies by die winkels gekry. Terug huistoe, en Ivy sê haar baba-seuntjie is siek. Wel, om betyds by die kliniek te kom, moet sy eerder nou huistoe gaan. Daarna Killarney toe, en terug huistoe. Terwyl ek die koerant lees, maak Christo vir ons 'n heerlike groente-gebak. Vanaand gaan ons na Debbie en Ronel se 'house warming' toe in Kempton. Die uitnodiging is vir 4 uur, maar dis te vroeg, en ons is net voor 5 daar... Kan julle glo, ons is eerste daar!! Wel, stadig kom die gaste aan, en op die einde is dit 'n aangename klomp mense. Ons kuier lekker, en die vleis en wors word gebraai. Net na 9 eet ons. Lekker! Die aand was regtig baie lekker, en Debs en Ree het 'n baie lekker plek! Julle twee, baie dankie vir 'n heerlike aand, en ek glo julle gaan sommer lekker in die huis bly. Net na 12 in droomland.

Sondag oggend bietjie laat geslaap. Teen die tyd toe ek wel ontwaak, stel Christo voor ons gaan na die Exotic Pets Expo toe by Kyalami. Mensig, daar is slange, spinnekoppe, skerpioene, stok-gogga's, en selfs klein muisies in vrieskaste... (kos vir die slange!) Wel, ek dink as ek 'n exotic pet moet kies, sal dit seker een van die iguana's of 'ou volke' wees... Oppad terug eers 'n draai gaan maak by die kasteel, en toe so gery dat ons onsself kan verlustig in die lambo's, ferrari's en maserati's... Ai, wat geld nie alles kan koop nie!! Vanaand gaan ons kerk toe, en dis weer lekker om terug te wees. Soos altyd is dit 'n voorreg om na Dominee Trevor te luister... Vanaand is ons weer herinner dat niks onmoontlik is vir ons God nie!! Na die tyd tee gaan drink, en ook bietjie saam met Gerhard en Phillip gekuier.

Wel, my wens vir die week:-

Kosmos is Genadeblomme. Jy saai nie... plant nie... gee nie water nie... as jy kyk, staan hulle langs jou pad. So is die Here se Genade. Sonder dat jy iets doen om dit te verdien is dit langs jou pad! Dankie Heer vir elke kosmos Blom-vriend langs my pad wat vir my 'n toonbeeld van U amazing Genade is!!

Geniet die week, en tot ons weer gesels; no worries mate, en take care.

Coen xxx

Oom John en my Dad (Pa se boetie)

Moeder as Dellies se eie Hells-Angel!

Sussie, Nadia en Ruan.

Ruan op sy nuwe scate-board.

My Maandag Storie - 1 September 2008

Goeie more uit 'n koue Johannesburg. Kan julle glo... gedog die somer is hier, en toe kry ons oor die naweek hierdie koue surprise!! Wag, kry gou julle koffietjies, sit terug, dan vertel ek... Word vir lunch bederf met my eerste KFC Streetwise 2 na my operasie!!! Wonderlik soos altyd. Vrydag aand heerlik voor die tv gesit. Was nie baie lekker vir my nie, want ek't 'n verkoue opgedoen.... by Annie van die werk!! Dis so verdomp... ek's vir 3 weke van die werk af, 'n operasie en alles, en ek is gesond! Skaars 2 dae terug by die werk, of sy steek my aan met haar verkoue!!! Jong, ek word gedous met grippons, disprins, supradyns, corenza c's... you name it, ek het dit gekry! Christo maak vanaand vir ons taco's met salsa, avo's en kaas. Dis heerlik. Net na half 10 was ek onder die appelboom... Saterdag vroeg op, want Ivy kom in... Vanoggend gaan ons weer bietjie Nescafè toe. Mensig, dis lekker om weer gewone kos te mag eet. Gaan kry gou 'n paar goedjies by Pick 'n Pay, en daar gaan die krag af. Wow, julle sal nie glo hoe donker dit daar binne is nie!! Pik-giet-swart-donker! Gelukkig was dit net seker vir so 30 sekondes... maar dit het gevoel soos 'n uur. Terug huistoe, want ons het baie werk vandag. Terwyl Ivy in die huis skoon maak, is ons besig om weer 'n klomp goed te pak wat stoor-kamer toe moet gaan. Een van die goed wat ook moet gaan, is ons kroeg... (die werk het 'n nuwe kroeg en stoele gekry, en toe kry ek die oue met 4 kroeg-stoele en 2 gewone stoele!!) Dis nie net die bakkie wat gelaai word nie, maar ook die sleep-waentjie. Net na 1 in Kaya Sands, alles af gelaai en die plek biejtie reg gepak, en toe's ons weer terug huistoe. Die res van die middag voor die rekenaar en tv gesit, en kon nie glo dat ons so goed rugby gespeel het nie!! Maar dis te laat... Christo braai vir ons 'n ou hoendertjie op die kole. Met twee slaaie daarby, is dit heerlik. Is al die hele dag gedokter met medisynes, en vanaand is geen uitsondering nie. Vroeg-vroeg onder die appelboom... Sondag bietjie laat geslaap. Kry vir Alta 10 uur by Fournos vir ontbyt. Die wind waai, en ons sit binne. Gelukkig is daar nog plek, en ons kuier heerlik. Moenie hulle ontbyt onderskat nie, want dit was heerlik! Ja, ons moet nou die kuiers geniet, want een van die dae... Alta, ons gaan jou vreeslik mis! Die koerant daarna gaan kry, en toe's ons huistoe. Koerant gelees terwyl Christo vir ons ribletts, groente en kool maak. Vroeg geeët, en toe't ek die kar gaan was. Kyk, julle sal nie glo hoe vuil daai Honda was nie! Tot gestofsuig ook. Net na 4 stop Francois en K hier. Geen verskoning nie, en ons moet saam Parkhurst toe vir koffie en koek. Ek en Francois vat lemon-merang, terwyl Christo en K die tera-ma-su gevat het. Wel, my lemon-merang was absoluut di-flippen-vin! Later kuier ons om 'n pita-broodjie... Teen half 8 gaan ons terug huistoe, en ons kuier oor 'n koppie koffie verder. Wat 'n heerlike middag en aand. Fransman, regtig, ons hou vir jou duim vas. Wel, Dinsdag, 2 September, is daar 'n paar mense wat verjaar. My sussie Lien, my vriendin Corlia, Nocky, en Amorè. Julle 4, baie geluk met die verjaarsdag, en mag die jaar vol geluk, vreugde en baie liefde wees. My wens vir die week:- A friend is... a tissue when you can't stop crying, a shoulder when you feel like dying, a wing when you want to fly, understands, without knowing why. An ear for a secret to tell, an aspirin when you feel unwell, a jack when you are feeling low, and a love that never let go!! Geniet die week, en tot ons weer gesels; no worries mate, en take care. Coen xxx